Кніга Псальмаў Псальм 144 (143) - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Пс. 18:35 Давідаў.

Дабраславёны Госпад, Успаможца мой; Ён навучыць бітве рукі мае, і пальцы мае — вайне.

2Міласэрнасць мая і цвярдыня мая, прыбежышча маё і вызваліцель мой; шчыт мой, і на Яго ўсклаў я надзею, Ён падпарадкаваў мне народ мой.

3 Ёў 7:17, 18; Пс. 8:5 Госпадзе, што ёсць чалавек, што Ты ведаеш пра яго, або што ёсць сын чалавечы, што Ты пра яго думаеш?

4 Ёў 8:9 Чалавек стаўся падобны да марнасці, дні яго мінаюць, як цень.

5 Пс. 104:32 Госпадзе, нахіні нябёсы Твае і сыдзі; дакраніся да гор, і яны задымяцца.

6Заззяй маланкамі і рассып іх, выпусці стрэлы Твае і перамяшай іх.

7Падай руку Тваю з вышыняў, вырві мяне і вызвалі мяне ад вялікіх водаў, ад рукі сыноў іншаземных,

8вусны якіх прамаўляюць марнае, і правіца іх — правіца ашуканца.

9Божа, спяваць буду Табе песню новую, граць буду псальмы на дзесяціструнных гуслях.

10Даеш Ты царам збаўленне, адкупаеш Ты Давіда, слугу Твайго, ад мяча ліхадзейнага.

11Вырві мяне і вызвалі мяне ад рукі сыноў іншаземных, вусны якіх прамаўляюць марнае, і правіца іх — правіца ашуканца.

12Сыны нашыя — быццам новыя парасткі ў маладосці сваёй; дочкі нашыя — як слупы гранёныя, высечаныя, як пабудова святыні.

13Каморы нашыя поўныя, мноства ўсялякага дабра, авечак нашых — тысячы, незлічона на палях нашых,

14валы нашы тлустыя. Няма абрушаных агароджаў і праходаў, няма голасу на вуліцах нашых.

15Шчасны народ, у якога гэта ёсць; шчасны народ, у якога Госпад — Бог яго.