Другі ліст да Карынцянаў Раздзел 6 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1Мы, як супрацоўнікі, заклікаем вас, каб вы не надарма прынялі ласку Божую,

2 Іс. 49:8 бо Ён кажа: «У час прыдатны выслухаў Я цябе ды ў дзень збаўлення ўспамог табе». Вось, цяпер час прыдатны, вось цяпер дзень збаўлення!

3 Рым. 14:13; 1Кар. 4:1 Не даючы нікому магчымасці спатыкнення, каб не глуміліся са служэння,

4але ва ўсім мы яўляем сябе паслугачамі Бога: у вялікай цярплівасці, у горы, у нястачы, ва ўцісках,

5 Дзеі 21:30 пад ударамі, у вязніцах, у забурэннях, у спрацаванасці, у недаспаннях, у пастах,

6 1Пёт. 1:22 у чыстасці, у мудрасці, у вялікадушнасці, у дабрыні, у Духу Святым, у непадробнай любові,

7 Рым. 13:12 у слове праўды, у моцы Божай, са зброяй справядлівасці ў правай і левай руцэ,

8у пашане і ў ганьбе, у знеслаўленні і ў добрай славе; нібы ашуканцы, ды праўдамоўныя,

9 1Кар. 4:9 быццам няведамыя, ды вядомыя, быццам паміраючыя, а, вось, жывём, быццам караныя, але не забітыя на смерць,

10 1Кар. 1:5; Плп. 4:12 як бы сумныя, але заўжды вясёлыя, быццам убогія, а ўсё ж узбагачаючыя многіх, як тыя, што нічога не маюць, а ўсім валодаюць.

11 Эф. 6:19 Вусны нашы адкрыліся да вас, карынцяне, наша сэрца пашырылася.

12Вам не цесна ў нас, але цесна ў вашых сэрцах.

13 Гал. 4:12 Уздайце нам тым самым спосабам, як да сваіх дзяцей кажу: адкрыйцеся і вы.

14 1Кар. 5:9; Эф. 5:6; 1Ян. 1:6 Не запрагайцеся з няверуючымі ў адно ярмо. Бо што мае агульнага справядлівасць з несправядлівасцю? Або якая супольнасць святла з цемраю?

15Або якая згода Хрыста з Бэліярам, або якая лучнасць веруючага з няверуючым?

16 Святар. 26:12; Эзэк. 37:27; 1Кар. 3:16; Геб. 3:6 Або якое суладдзе святыні Божай з ідаламі? Бо вы ёсць святыня Бога жывога, як кажа Бог: «Пасялюся ў іх і буду хадзіць, і буду іх Богам, а яны будуць Маім народам.

17 Іс. 52:11 Таму выйдзіце з іх асяроддзя і адлучыцеся ад іх, – кажа Госпад, – і не дакранайцеся да нячыстага, і Я вас прыму,

18 2Сам. 7:14; 1Пар. 17:13; Іс. 43:6; Ярэм. 31:9; Ян. 1:12; Рым. 8:14; Гал. 4:5; 1Ян. 3:1 і буду вам Айцом, а вы будзеце Маімі сынамі і дочкамі – кажа Госпад Усемагутны».