Першы ліст Яна Раздзел 2 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Рым. 8:34; 1Цім. 2:5 Дзеткі мае, пішу вам гэта, каб вы не грашылі. Але калі б хто і зграшыў, маем Заступніка перад Айцом – Ісуса Хрыста Справядлівага.

2 Ян. 1:29 Ён ёсць уміласціўленне за грахі нашы, ды не толькі за грахі нашы, але і ўсяго свету.

3З гэтага пазнаём, што Яго ведаем: калі выконваем Яго прыказанні.

4Хто кажа: «Ведаю Яго» і не выконвае Яго прыказанняў, той ілгун, і ў ім няма праўды.

5 Ян. 14:21 А хто выконвае Яго слова, у тым сапраўды любоў Бога ажыццявілася. Па гэтым вось пазнаём, што мы ў Ім.

6 Мц. 11:29; Ян. 13:15 Хто кажа, што ён у Ім прабывае, мусіць таксама хадзіць так, як Ён хадзіў.

7 Ян. 13:34 Улюбёныя! Не пішу для вас новае прыказанне, але прыказанне старадаўняе, якое вы мелі ад пачатку: даўняе прыказанне ёсць слова, якое вы чулі.

8 Ян. 1:9 Але і новае прыказанне пішу вам, яно праўдзівае ў Ім і ў вас, бо цемра прамінае, і праўдзівае святло свеціць ужо.

9 1Кар. 13:2 Хто кажа, што ён у святле, і ненавідзіць брата свайго, той дагэтуль у цемры.

10 2Пёт. 1:10; 1Ян. 3:14 Хто любіць брата свайго, той застаецца ў святле, ды няма ў ім згаршэння.

11 Ян. 12:35 А хто брата свайго ненавідзіць, той у цемры і ходзіць у цемры, і не ведае, куды ідзе, бо цемра засляпіла вочы яго.

12 Дзеі 4:12 Пішу вам, дзеткі: адпушчаны вам грахі ў імя Яго.

13 Лк. 10:18; Ян. 1:1 Пішу вам, айцы: вы пазналі Таго, Хто ёсць ад пачатку. Пішу вам, юнакі: вы перамаглі ліхога.

14 Эф. 6:10 Напісаў вам, дзеці: вы ведаеце Айца. Напісаў вам, айцы: пазналі вы Таго, Хто ад пачатку. Напісаў вам, юнакі: вы дужыя, і слова Божае трывае ў вас, і вы перамаглі ліхога.

15 Мц. 6:24; Як. 4:4 Не любіце свету, ані таго, што ў свеце. Бо калі хто любіць свет, у тым няма любові Айца.

16Бо ўсё, што ў свеце: пажаданне цела, пажаданне вачэй ды пыхлівасць жыццёвая – не ад Айца, але ад свету.

17 1Кар. 7:31; 1Пёт. 1:24 І свет мінае, і пажаданні яго; а хто спаўняе волю Божую, той трывае вечна.

18 Мц. 24:5; Лк. 21:8 Дзеткі, ужо апошні час; і як вы чулі, што антыхрыст надыходзіць, і ў гэты час з’явілася многа антыхрыстаў; з гэтага пазнаём, што ўжо апошні час.

19 Мц. 24:24; Дзеі 20:30; 1Кар. 11:9 Выйшлі яны ад нас, але не былі з нас, бо калі б былі з нас, засталіся б з намі; але гэта сталася, каб выявілася, што не ўсе яны з нас.

20 Мц. 11:25; Ян. 16:13; 1Кар. 2:15; 2Кар. 1:21; Геб. 1:9 Але вы атрымалі намашчэнне ад Святога, і вы ўсе гэта ведаеце.

21Я вам напісаў не як няведаючым праўду, але як ведаючым яе, бо любая хлусня не ад праўды.

22Хто ж тады лгун, калі не той, хто пярэчыць, што Ісус ёсць Хрыстос? Той ёсць антыхрыст, хто не прызнае Айца і Сына.

23 Ян. 5:23; 2Ян. 9 Кожны, хто не прызнае Сына, не мае таксама і Айца; а хто вызнае Сына, той мае і Айца.

24 Ян. 14:23; 1Ян. 5:6 Няхай захаваецца ў вас тое, што вы чулі ад пачатку. Калі тое, што вы чулі ад пачатку, захаваецца ў вас, дык вы будзеце трываць у Сыне і ў Айцу.

25 Ян. 3:15 А вось абяцанне, якое Ён нам даў: жыццё вечнае.

26Гэта ўсё я вам напісаў адносна тых, якія зводзяць вас.

27 Ян. 14:16 І намашчэнне, якое вы атрымалі ад Яго, трывае ў вас, і не трэба, каб вас хтосьці вучыў, бо самае Яго намашчэнне вучыць вас усяму, і яно праўдзівае, і няма ў ім хлусні, і як вас навучыла, так вы і трывайце ў ім.

28 Эф. 3:12 Дык цяпер, дзеткі, трывайце ў Ім, каб, калі Ён з’явіцца, мелі ў Ім адвагу ды каб у дзень Яго прыходу не дазналі перад Ім сораму.

29 Ян. 7:18 Калі вы ведаеце, што Ён справядлівы, дык ведайце, што кожны, хто чыніць справядлівасць, з Яго нарадзіўся.