Кніга Эклезіяста Раздзел 3 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Экл. 8:6 Усё мае час, і свая пара кожнай справе пад небам;

2час нараджацца і час паміраць, час садзіць і час вырываць тое, што пасаджана;

3час забіваць і час лячыць, час нішчыць і час будаваць;

4час плакаць і час смяяцца, час галасіць і час скакаць;

5час кідаць камяні і час збіраць іх, час абдымаць і час пазбягаць абдымкаў;

6час шукаць і час губляць, час берагчы і час адкідаць;

7час раздзіраць і час сшываць, час маўчаць і час гаварыць;

8час любіць і час ненавідзець, час вайны і час міру.

9Што за карысць мае з працы сваёй той, хто працуе?

10Паглядзеў я на заняткі, якія даў Бог сынам чалавечым, каб займаліся імі.

11Усё добрае зрабіў Ён у свой час; і перадаў сусвет разважнасці іх, ды не спасцігне чалавек справы, якую ўчыніў Бог, ад пачатку да канца.

12 Экл. 8:15 Спазнаў я, што няма для іх нічога лепшага, як весяліцца і чыніць дабро ў сваім жыцці.

13 Экл. 5:18 Бо кожны чалавек, які есць і п’е і бачыць дабро ад працы сваёй, — гэта дар Божы.

14Пераканаўся я, што ўсе справы, якія чыніць Бог, трываюць вечна; мы не можам ані дадаць да гэтага штосьці, ані адняць, што ўчыніў Бог, каб шанавалі.

15 Экл. 1:9 Тое, што ўжо было, — тое самае і ёсць; і што будзе — ужо было; і Бог даследуе тое, што прамінула.

16І яшчэ ўбачыў я пад сонцам: на месцы суда там бязбожнасць, і на месцы справядлівасці там несправядлівасць;

17Дык сказаў я ў сэрцы маім: «Справядлівага і бязбожнага будзе судзіць Бог, бо час на кожную рэч і на кожную справу».

18Сказаў я ў сэрцы маім адносна сыноў чалавечых, што Бог будзе іх выпрабоўваць і пакажа, што яны самі па сабе — падобныя да звяроў.

19 Пс. 49:13 Бо доля сыноў чалавечых і жывёлы такая ж самая: як памірае чалавек, так і яны паміраюць; і тое ж самае дыханне ва ўсіх: нічога не мае чалавек болей за жывёлу, бо ўсё — марнасць.

20 Род. 3:19; Экл. 12:7 І ўсё ідзе ў адно месца: з зямлі ўсё створана і ў зямлю ўсё падобным чынам вяртаецца.

21Хто ведае, ці дух сыноў чалавечых падымаецца ўверх і ці дух жывёлін сыходзіць уніз, у зямлю?

22І ўцяміў я, што нічога няма лепшага для чалавека, як цешыцца працай сваёй; бо такі лёс яго. Бо хто ж прывядзе яго, каб ён даведаўся, што будзе пасля яго?