Ліст да Рымлянаў Раздзел 8 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Гал. 5:16 Значыць, няма цяпер ніякага асуджэння тым, што ў Хрысце Ісусе не паводле цела, а паводле Духа ходзяць;

2бо закон Духа жыцця ў Хрысце Ісусе вызваліў мяне ад закону граху і смерці.

3 Дзеі 13:39; 2Кар. 5:21; Гал. 3:13; Геб. 7:18 Бо што было немагчымым для закону, у якім была нядужасць праз цела, Бог, паслаўшы Сына Свайго ў падобнасці грэшнага цела ды дзеля граху, асудзіў грэх у целе,

4 1Ян. 2:6; 2Кар. 5:7; Гал. 5:16; Эф. 4:1 каб апраўданне закону споўнілася ў нас, што жывём не паводле цела, але паводле Духа.

5 Ян. 3:6; Гал. 5:16 Бо тыя, што жывуць паводле цела, думаюць пра цялеснае, а тыя, што жывуць паводле Духа, – пра духоўнае.

6Бо задумы цела ёсць смерць, а задумы Духа – жыццё ды супакой;

7 Як. 4:4; 1Ян. 2:15; 1Кар. 2:14 бо задумы цела варожыя Богу, таму што не скараюцца закону Божаму, дый не могуць.

8І тыя, што жывуць паводле цела, не могуць падабацца Богу.

9 Ян. 1:12; 1Кар. 3:16 Вы, аднак, не жывяце паводле цела, але паводле Духа, калі толькі Божы Дух жыве ў вас. А калі хто не мае Духа Хрыстова, той не Яго.

10 1Ян. 5:18 А калі Хрыстос ёсць у вас, то хоць цела смяротнае дзеля граху, але дух жывы дзеля справядлівасці.

11 Дзеі 2:24; 1Кар. 6:14 А калі ў вас жыве Дух Таго, Хто ўваскрасіў Ісуса з мёртвых, дык Той, Хто ўваскрасіў Хрыста з мёртвых, ажывіць і смяротныя целы вашы праз Духа Свайго, Які жыве ў вас.

12Дык вось, браты, мы не даўжнікі цела, каб жыць паводле цела.

13Бо калі будзеце жыць паводле цела, памраце, а калі духам памярцвіце ўчынкі цела, будзеце жыць.

14 Ян. 1:12; Гал. 5:18 Бо ўсе тыя, якіх вядзе Дух Божы, ёсць сыны Божыя.

15 Мк. 14:36; 1Кар. 2:12; Гал. 4:6; 2Цім. 1:7 Вы ж не атрымалі духа няволі, ізноў на страх, але атрымалі вы Духа ўсынаўлення, у Якім клічам: «Абба, Ойча!»

16 1Ян. 3:2; Эф. 1:13 Той Самы Дух сведчыць духу нашаму, што мы – сыны Божыя.

17 Дзеі 26:18; Плп. 1:29; 1Пёт. 2:9 А калі сыны, дык і спадкаемцы: спадкаемцы Бога, суспадчыннікі Хрыста; калі толькі з Ім разам церпім, каб разам з Ім і ўславіцца.

18 2Кар. 4:17; 1Пёт. 1:6 Бо мяркую, што цяперашніх цярпенняў нельга параўнаць з будучай славай, якая мае аб’явіцца ў нас.

19 2Пёт. 3:13; 1Ян. 3:2 Стварэнне бо прагна чакае аб’яўлення сыноў Божых.

20 Род. 3:17-19 Бо стварэнне скарылася марнасці не самахоць, але па волі Таго, Хто пакарыў, з надзеяй,

21што і стварэнне таксама будзе вызвалена з няволі сапсаванасці на волю славы дзяцей Божых.

22Бо ведаем, што ўсё стварэнне дагэтуль стогне і пакутуе супольна.

23 Лк. 20:36; 2Кар. 5:2; Эф. 1:14; Плп. 3:20 Ды не толькі, але і мы самі, маючы пачатак Духа, і мы ўнутры сябе ўздыхаем, чакаючы ўсынаўлення, адкуплення цела нашага.

24 Дзеі 24:15; 2Кар. 3:12; Эф. 1:4; Клс. 1:5; 1Ян. 3:3 Бо мы ўжо збаўлены надзеяй, аднак надзея бачная – гэта не надзея; бо калі хто бачыць, дык хіба спадзяецца хтосьці на тое, што бачыць?

25Калі, аднак, мы спадзяёмся на тое, чаго не бачым, то з цярплівасцю чакаем.

26 Ян. 14:26; Эф. 6:18 Падобна і Дух успамагае нашай кволасці; бо мы не ведаем, пра што маліцца, як трэба, але Сам Дух заступаецца за нас у невымоўных уздыханнях.

27 1Ян. 3:20 Той жа, Хто пранікае сэрцы, ведае, чаго прагне Дух, бо Ён заступаецца за святых згодна з Богам.

28 2Цім. 1:9 Ведаем таксама, што ўсё садзейнічае на дабро тым, што любяць Бога ды якія пакліканы па Яго пастанове.

29 Ян. 15:16 Бо тых, якіх Ён спрадвеку пазнаў, тых Ён прызначыў стацца падобнымі да вобразу Сына Свайго, каб Ён быў першародным між многімі братамі.

30Тых жа, якіх прызначыў, тых і паклікаў, а якіх паклікаў, тых і апраўдаў, а якіх апраўдаў, тых і ўславіў.

31Дык што на гэта скажам? Калі Бог за нас, дык хто супраць нас?

32Той, Хто не пашкадаваў Сына Свайго, але выдаў Яго за ўсіх нас, як жа Ён не даруе і нам разам з Ім усяго?

33 Адкр. 12:10 Хто будзе вінаваціць выбраннікаў Божых? Бог апраўдвае іх.

34 Мк. 16:19; Ян. 3:18 Хто той, які асуджае? Хрыстос Ісус, Які памёр, але Які і ўваскрос, і Які сядзіць праваруч Бога, Ён заступаецца за нас.

35Дык хто ж можа адлучыць нас ад любові Хрыстовай? Прыгнёт, ці ўціск, ці пераследаванне, ці голад, ці нястача, ці небяспека, ці меч?

36 Пс. 44:23; 1Кар. 4:9; 2Кар. 4:8 Як напісана: «Дзеля Цябе забіваюць нас увесь дзень, лічаць нас авечкамі на зарэз».

37 Ян. 16:33 Але ва ўсім гэтым атрымліваем перамогу праз Таго, Хто палюбіў нас.

38 1Кар. 15:24; Эф. 1:21; 2Цім. 1:12; 1Пёт. 3:22 Бо я ўпэўнены, што ані смерць, ані жыццё, ані анёлы, ані ўлады, ані сённяшні дзень, ані будучыня, ані магутнасці,

39ані вышыня, ані глыбіня, ані якое-колечы стварэнне не зможа нас адлучыць ад любові Бога, якая ў Хрысце Ісусе, Госпадзе нашым.