Кніга Псальмаў Псальм 6 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1Кіраўніку хору. Для струнных іструментаў. На актаву. Псальм Давідаў.

2 Пс. 38:2; Ярэм. 10:24 Госпадзе, не выкрывай мяне ў гневе Тваім, і не асуджай мяне ў абурэнні Тваім.

3Пашкадуй мяне, Божа, бо я кволы; ацалі мяне, Божа, бо трасуцца косці мае.

4І душа мая надта ўстрывожана, а Ты, Госпадзе, дакуль жа?

5Павярніся, Госпадзе, вызвалі душу маю; уратуй мяне дзеля міласэрнасці Тваёй.

6 Пс. 30:10; 88:11; 115:17; Іс. 38:18 Бо не ёсць у смерці той, хто помніць Цябе, а ў пекле хто ж будзе Цябе славіць?

7Замучыўся я ў стагнанні маім, штоноч абмываў я ложак свой, слязьмі сваімі пасцель сваю паліваў.

8 Пс. 31:10 Змарнела ў жальбе вока маё, састарэў я сярод усіх непрыяцеляў маіх.

9 Пс. 119:115; Мц. 7:23; Лк. 13:27 Адступіцеся ад мяне ўсе тыя, што чыніце злачынства, бо Госпад пачуў голас плачу майго.

10Госпад пачуў маленне маё, бо прыняў Госпад малітву маю.

11 Пс. 35:4 Хай жа пасаромяцца і будуць моцна стурбаваныя ўсе непрыяцелі мае; няхай навернуцца і пасаромяцца вокамгненна.