Кніга Псальмаў Псальм 24 (23) - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Пс. 50:12; 1Кар. 10:26 Давідаў псальм. Госпадава зямля і што яе напаўняе, зямля і ўсе, хто жывуць на ёй.

2Бо Ён заснаваў яе на марах і ўмацаваў на рэках.

3Хто падымецца на гару Госпадаву або хто стане на святым месцы Яго?

4 Мц. 5:8 Бязгрэшны рукамі і чысты сэрцам, хто не ўзняў душу сваю да марнасцей і не прысягнуў падступна.

5Гэтакі атрымае дабраславенне ад Бога і апраўданне ад Бога, свайго Збаўцы.

6Такі вось ёсць род тых, што шукаюць Бога, тых, што шукаюць аблічча Бога Якубава.

7Падыміце, брамы, вярхі вашы і расчыніцеся, брамы спрадвечныя, і ўвойдзе Валадар Славы.

8Хто Ён, гэты Валадар Славы? — Госпад дужы і магутны, Госпад магутны ў бітве.

9Падыміце, брамы, вярхі вашы і расчыніцеся, брамы спрадвечныя, і ўвойдзе Валадар Славы.

10Хто Ён, гэты Валадар Славы? — Госпад магуццяў, вось хто такі Валадар Славы.