Кніга Выслоўяў Саламонавых Раздзел 20 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1Віно — празмерная рэч і сіцэра — неспакойная; ніхто з тых, хто захапляецца імі, не будзе мудрым.

2Як рыканне льва — так і гнеў цара, хто яго выклікае — грашыць супраць душы сваёй.

3Гонар для чалавека — аддзяліцца ад спрэчак; бо ўсе бязглуздыя ўмешваюцца ў ганьбу.

4З-за холаду гультай не хацеў араць; таму ён будзе жабраваць летам, а яму ніхто не дасць.

5Думкі ў сэрцы чалавека — быццам глыбокія воды, але мудры чалавек вычэрпвае іх.

6Завуць сябе міласэрнымі многія людзі, а хто знойдзе праўдзівага чалавека?

7Справядлівы чалавек, які ходзіць у чыстасардэчнасці сваёй, пакіне па сабе шчаслівых дзяцей.

8Цар, які сядзіць на пасадзе законнасці, разганяе ўсё ліхое сваім позіркам.

9 1Ян. 1:8 Хто скажа: «Збярог я чыстае сэрца, я чысты ад граху»?

10 Паўт. Зак. 25:13; Высл. 11:1 Дваякія шалі і дваякая мера — і тое і другое агідныя Госпаду.

11Дзіця можна зразумець па занятках яго, ці будуць справы яго чыстымі і вернымі.

12Вуха, што чуе, і вока, што бачыць, абодва стварыў Госпад.

13Не любі сон, каб беднасць не апанавала цябе; адкрый вочы свае — і наясіся хлеба.

14«Дрэнна, дрэнна!» — кажа ўсякі пакупнік, а калі адыдзецца — тады хваліцца.

15Ёсць золата і мноства самацветаў, а каштоўнейшая пасудзіна — вусны ведаў.

16 Высл. 27:13 Бяры яго вопратку, бо ён выступіў паручыцелем за чужога, за незнаёмых вазьмі ад яго заклад.

17Салодкі для чалавека хлеб падманны, але потым напоўняцца вусны яго каменнем.

18 Высл. 24:6 Планы ўзмацняюцца нарадамі, і войны трэба рыхтаваць пасля нарады.

19 Высл. 11:13 Не сябруй з тым, хто выяўляе сакрэты, і паклёпнічае, і шырока разяўляе рот свой.

20 Вых. 21:17; Мц. 15:4 Хто сварыцца на бацьку свайго і маці — патухне светач яго ў глыбінях цемры.

21Спадчына, якую захопліваюць, спяшаючыся, урэшце рэшт будзе пазбаўлена дабраславення.

22Не кажы: «Я адплачу за ліха», пачакай Госпада, а Ён вызваліць цябе.

23 Паўт. Зак. 25:13 Агіднасць для Госпада дваякія вагі, і шалі падманныя — нядобрая ў вачах Яго.

24Госпад кіруе хадою чалавека, а хто з людзей можа зразумець шлях свой?

25Пастка для чалавека гаварыць неабдумана «святое», а потым выракацца абяцання.

26Мудры цар разганяе бязбожнікаў і згінае над імі кола.

27Светач Госпадавы — аддушына для чалавека, ён даведваецца пра ўсе сакрэты нутра яго.

28Міласэрнасць і праўда берагуць цара, а пасад яго ўмацоўваецца мяккасардэчнасцю.

29Упрыгажэнне юнакоў — іх моц, а гонар старых — сівізна.

30Сіняк раны праганяе ліха, і ўдары — у глыбінях нутра.