Ліст да Рымлянаў Раздзел 16 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Дзеі 18:18 Даручаю вам Фебу, сястру нашу, якая ёсць служкаю царквы, што ў Кенхрах,

2каб прынялі яе ў Госпадзе, як належыць святым, і дапамаглі ёй ва ўсім, у чым яна будзе мець ад вас патрэбу, бо яна дапамагала многім і мне самому.

3 Дзеі 18:2; 1Кар. 16:19; 2Цім. 4:19 Прывітайце Прыску і Аквілу, супрацоўнікаў маіх у Хрысце Ісусе,

4 1Кар. 16:19; Клс. 4:15; Флм. якія за маю душу падставілі свае галовы, якім не толькі я ўдзячны, але ўсе цэрквы паганаў,

5 1Кар. 16:15 а таксама і хатнюю іх царкву. Прывітайце мне мілага Эпенета, першынца ў Хрысце з Азіі.

6Прывітайце Марыю, якая многа папрацавала для нас.

7 Дзеі 1:3; Рым. 16:3; 2Кар. 8:23 Прывітайце Андраніка і Юнію, сваякоў маіх, увязненых разам са мною, праслаўленых сярод Апосталаў, якія перш за мяне былі з Хрыстом.

8Прывітайце любага мне ў Госпадзе Амплія.

9Прывітайце нашага супрацоўніка ў Хрысце Урбана ды мілага мне Стахія.

10Прывітайце выпрабаванага ў Хрысце Апэлеса. Прывітайце тых, што з дому Арыстабула.

11Прывітайце Герадыёна, сваяка майго. Прывітайце тых, што з дому Нарцыза, якія ў Госпадзе.

12Прывітайце Трыфэну і Трыфосу, што працуюць для Госпада. Прывітайце мілую Пэрсыду, якая многа папрацавала для Госпада.

13Прывітайце выбранніка ў Госпадзе Руфа і маці яго і маю.

14Прывітайце Асынкрыта, Флегонта, Герма, Патроба, Гермія ды братоў, што разам з імі.

15Прывітайце Філалога і Юлію, Нэрэя і яго сястру, Алімпа ды ўсіх святых, што разам з імі.

16 1Кар. 16:20; 2Кар. 13:12; 1Тэс. 5:26; 1Пёт. 5:14 Прывітайце ўзаемна адзін аднаго святым пацалункам. Вітаюць вас цэрквы Хрыстовы.

17 Мц. 7:15; Дзеі 15:1; 1Кар. 5:9; Клс. 2:8; 1Цім. 6:3; Ціт. 3:10 Прашу вас яшчэ, браты, каб асцерагаліся тых, што чыняць нязгоду і перашкоды супраць навукі, якой вы навучыліся. Ухіляйцеся ад іх!

18 2Пёт. 2:3; Юды 12; Плп. 3:19; Клс. 2:4 Такія людзі не служаць Госпаду нашаму Ісусу Хрысту, але жывату свайму, і салодкімі словамі і красамоўствам зводзяць сэрцы нявінных.

19 Мц. 10:16; Рым. 1:8; 1Кар. 14:20 Бо ваша паслухмянасць вядома ўсім. Дык радуюся за вас, але прагну, каб вы былі мудрымі на дабро і беззаганнымі ў ліхім.

20 Рым. 15:33; 1Кар. 16:23; 2Кар. 13:13; Гал. 6:18; Плп. 4:23; 1Тэс. 5:28; 2Тэс. 3:18; Адкр. 22:21 Бог жа супакою хутка скрышыць шатана пад нагамі вашымі. Ласка Госпада нашага Ісуса Хрыста з вамі!

21 Дзеі 13:1; Плп. 2:19; Геб. 13:23 Вітаюць вас Цімафей, супрацоўнік мой, і Луцый, і Язон, і Сасіпатар, сваякі мае.

22Вітаю вас у Госпадзе і я, Тэрцый, які напісаў ліст у Госпадзе.

23 Дзеі 19:22; 1Кар. 1:14; 2Цім. 4:20 Вітае вас Гай, гасцінны для мяне і для ўсёй царквы. Вітае вас Эраст, скарбнік горада, і брат Кварт.

24 1Тэс. 5:28 Ласка Госпада нашага Ісуса Хрыста з усімі вамі. Амін.