Кніга Псальмаў Псальм 2 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Дзеі 4:25, 26 Чаму бунтуюцца плямёны і народы задумваюць марнае?

2Узнімаюцца цары зямлі і князі збіраюцца супольна супраць Госпада і супраць Намашчэнца Яго:

3«Парвём кайданы іх, і ярмо іх скінем з сябе!»

4 Высл. 1:26 Той, што жыве ў нябёсах, пасмяецца з іх, Госпад паздзекуецца з іх,

5а потым скажа ім у гневе Сваім і ярасцю Сваёй узрушыць іх:

6«Гэта Я паставіў Валадара Свайго на Сіёне, на святой гары Маёй!

7 Дзеі 13:33; Геб. 1:5; 5:5 Абвяшчу прысуд Госпадаў. Бо Ён сказаў мне: “Ты — сын Мой, Я сёння нарадзіў цябе.

8Прасі Мяне, і Я дам табе ў спадчыну народы і на ўласнасць Табе зямныя прасторы.

9 Адкр. 2:26, 27; 12:5; 19:15 Валадарыць будзеш імі кіем жалезным, нібы глінянае начынне скрышыш іх”».

10А цяпер, цары, зразумейце, уцяміце, што выносіце прысуд на зямлі:

11Служыце Госпаду са страхам і радуйцеся Яму з дрыжаннем,

12 Пс. 33:9; Высл. 16:20; Іс. 30:18 Ушануйце Сына, каб не загневаўся і каб не папрападалі ў дарозе, калі ўзгарыцца неўзабаве гнеў Яго. Шчасныя ўсе, якія цвёрда спадзяюцца на Яго.