Ліст да Гебраяў Раздзел 13 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1Няхай трывае між вамі братняя любоў.

2

7Памятайце пра настаўнікаў вашых, якія абвяшчалі вам слова Божае і, бачачы вынікі іх жыцця, будзьце пераймальнікамі ў веры.

8 Ян. 8:58; 1Кар. 3:11; 2Кар. 1:19; Адкр. 1:4 Ісус Хрыстос Той самы ўчора, сёння і навекі.

9 Ян. 6:27; Эф. 4:14; Клс. 2:16; Ціт. 3:8; Геб. 9:10; 2Пёт. 3:18 Не дайцеся звесціся рознымі чужымі вучэннямі. Найлепш бо мацаваць сэрца ласкаю, а не ежаю, якая не дапамагла тым, што пайшлі за ёю.

10Маем ахвярнік, з якога не маюць права есці тыя, якія паслугуюць у палатцы.

11 Святар. 16:27; Адкр. 1:5 Бо целы тых жывёлін, кроў якіх за грэх прыносіцца першасвятаром у святое, паляцца за лагерам.

12 Мц. 21:39; Ян. 19:17; Геб. 2:11; 1Пёт. 1:18; Адкр. 1:5 Таму і Ісус, каб усвяціць народ Сваёй Крывёю, быў замучаны за брамаю.

13Дык выйдзем жа і мы да Яго за лагер, пераносячы разам з Ім зганьбаванне,

14бо не маем тут трывалага горада, але шукаем будучага.

15Дык праз Яго заўсёды будзем складаць ахвяру хвалы Богу, гэта значыць плод вуснаў, што праслаўляюць Яго імя.

16Не забудзьцеся пра дабрадзейнасць і супольнасць, бо такія ахвяры мілыя Богу.

17 Дзеі 20:28; 1Кар. 4:1; Плп. 2:29; 1Тэс. 5:12 Слухайце настаўнікаў вашых і падпарадкоўвайцеся ім, бо яны чуваюць над душамі вашымі, як абавязаныя даць справаздачу. Дык няхай яны гэта з радасцю выконваюць, а не са стогнамі, бо гэта не на карысць вам.

18 Дзеі 23:1; Рым. 15:30; 2Кар. 1:11; Эф. 6:18 Маліцеся за нас, бо мы ўпэўнены ў тым, што маем добрае сумленне, жадаючы ва ўсім рабіць добра.

19Асабліва прашу вас зрабіць так, каб чым хутчэй быў я вернуты вам.

20 Ян. 10:11; Рым. 4:24; 1Тэс. 1:10; 1Пёт. 2:25 Бог жа супакою, Які ўваскрасіў з мёртвых вялікага Пастыра авечак у Крыві вечнага запавету, Госпада нашага Ісуса,

21 2Кар. 3:5; Эф. 2:10; Плп. 2:13; 1Тэс. 5:23; 1Пёт. 5:10 хай удасканаліць вас ва ўсякай справе добрай, каб спаўнялі вы Яго волю, выконваючы ў нас, што Яму падабаецца, праз Ісуса Хрыста, Якому слава на векі вечныя. Амін.

22Прашу ж вас, браты, прыміце слова заахвочвання, бо толькі трохі напісаў я вам.

23Ведайце, што брат наш Цімафей выпушчаны; з ім разам, калі хутка прыбудзе, пабачу вас.

24Прывітайце ўсіх вашых настаўнікаў і ўсіх святых. Вітаюць вас тыя, што з Італіі.

25Ласка з вамі ўсімі. Амін.