Ліст да Эфесцаў Раздзел 1 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 1Кар. 1:1 Паўла, Апостал Ісуса Хрыста з волі Божай, святым, якія ў Эфесе, і верным у Хрысце Ісусе:

2 Рым. 1:7 ласка вам і супакой ад Бога, Айца нашага, і Госпада Ісуса Хрыста.

3 1Пёт. 1:3; 2Кар. 1:3 Дабраславёны Бог і Айцец Госпада нашага Ісуса Хрыста, Які дабраславіў нас у нябёсах усякім дабраславеннем духоўным у Хрысце,

4 1Пёт. 1:2 Бо выбраў нас у Ім перад заснаваннем свету, каб быць нам святымі і беззаганнымі перад Ім у любові;

5 Ян. 1:12; Рым. 8:29 Ён прызначыў нас на ўсынаўленне Сабе праз Ісуса Хрыста з ласкавасці волі Сваёй,

6на хвалу славы ласкі Сваёй, якой абдарыў нас ва Умілаваным,

7 Рым. 3:25; Клс. 1:14; Геб. 9:12 у Якім маем адкупленне праз Кроў Яго, адпушчэнне грахоў паводле багацця ласкі Яго,

8 Клс. 1:9 якую выліў Ён на нас шчодра ва ўсякай мудрасці і разуменні,

9 Рым. 14:24; Клс. 1:26; 2Цім. 1:9 каб выявіць нам таямніцу Сваёй волі паводле Свайго ўпадабання, што Ён раней пастанавіў у Ім,

10 Мк. 1:15 на ўсталяванне паўнаты часоў: аб’яднаць усё, што на небе і на зямлі, пад галавою – Хрыстом.

11У Ім былі пакліканы да ўдзелу і мы, што прызначаны наперад паводле рашэння Таго, Які спраўляе ўсё паводле пастановы волі Сваёй,

12каб былі мы на хвалу славы Яго, мы, якія ўжо раней спадзяваліся на Хрыста.

13 2Кар. 1:22 У Ім таксама і вы, якія пачулі слова праўды, Евангелле збаўлення вашага, і ў Яго паверылі, запячатаны Духам Святым абяцання,

14 1Пёт. 2:9; Рым. 8:23; 2Кар. 5:5 Які ёсць зарука спадчыны нашай для адкуплення ўласнасці і на хвалу Яго славы.

15 Клс. 1:4; Флм. 5 Дзеля таго і я, чуючы пра вашу веру ў Госпада Ісуса і пра любоў да ўсіх святых,

16 Рым. 1:9; Плп. 1:3 не спыняюся дзякаваць за вас, памятаючы ў малітвах маіх,

17 1Кар. 2:10; Клс. 1:9 каб Бог Госпада нашага Ісуса Хрыста, Айцец славы, даў вам Духа мудрасці і аб’яўлення на пазнанне Яго,

18прасветленыя вочы розуму вашага, каб вы ведалі, якая ёсць надзея Яго паклікання ды якія багацці славы спадчыны Яго для святых,

19 Клс. 2:12 і якая бязмерная веліч магутнасці Яго ў нас, веруючых праз дзеянне магутнасці сілы Яго,

20 Пс. 110:1; Мк. 16:19 якую выявіў Ён у Хрысце, уваскрэсіўшы Яго з мёртвых і пасадзіўшы праваруч Сябе ў нябёсах

21 Лк. 1:32 вышэй за ўсякае начальства і ўладу, і сілу, і валадаранне, і над усякім імем, якое называецца не толькі ў гэтым веку, але таксама і ў будучым;

22 Пс. 8:7 і ўсё паклаў пад ногі Яго, і ўчыніў Яго галавой над усёй Царквою,

23 1Кар. 12:27 якая ёсць Цела Яго, поўня Таго, Які ўсё ўсім напаўняе.