Другі ліст да Карынцянаў Раздзел 11 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1О, каб вы маглі сцярпець крыху маю неразумнасць! Але ж вы і церпіце мяне!

2 Гал. 4:17; Эф. 5:25; Клс. 1:28 Бо руплюся я дзеля вас Божаю руплівасцю, бо заручыў я вас з адным мужам, каб завесці да Хрыста, як чыстую дзявіцу.

3 Род. 3:1-5, 13; Як. 1:14; 2Пёт. 3:17; 1Тэс. 3:5; 1Цім. 2:14; Адкр. 12:9 Але баюся, каб, як змей звёў Еву сваёю хітрасцю, гэтак і вашы думкі не адвярнуліся ад прастаты і чысціні, якая ў Хрысце.

4 Гал. 1:6 Бо калі б хто прыйшоў і стаў прапаведаваць другога Ісуса, якога мы не прапаведавалі, або калі б вы прынялі іншага духа, якога вы не прынялі, або іншае евангелле, якое не атрымалі, – вы б цярпліва зносілі.

5 1Кар. 15:9 Але я думаю, што і я зрабіў не менш за вялікіх Апосталаў,

6 1Кар. 2:1 бо хоць я не вопытны ў слове, але не ў ведах, і мы ў кожным і ва ўсім адкрыліся вам.

7 1Кар. 9:18 Ці ж я зграшыў, паніжаючы сябе, каб павысіць вас, бо прынёс вам дарма Евангелле Божае?

8 1Кар. 9:7 Абіраў я іншыя цэрквы, беручы на пражытак дзеля служэння вам.

9 1Тэс. 2:9; Плп. 4:10 І, калі быў у вас і апынуўся ў нястачы, нікому не быў я цяжарам, бо калі мне чаго не хапала, дык дапаўнялі браты, што прыйшлі з Мацэдоніі; і нічым не абцяжарваў вас і не буду абцяжарваць.

10 1Кар. 9:15 Як Хрыстова праўда ўва мне, так гэтае пахвалы ніхто ад мяне не адыме ў землях Ахаі.

11Чаму? Ці, можа, таму, што вас не люблю? Бог ведае!

12 1Кар. 9:12; Гал. 6:14 Што я раблю, тое і буду рабіць, каб адсячы повад у тых, хто шукае поваду; каб аказаліся і мы такімі, з чаго яны выхваляюцца.

13 Мц. 7:15; Дзеі 15:24; Гал. 1:7; Ціт. 1:10; 2Пёт. 2:1; 1Ян. 4:1 Бо тыя фальшывыя апосталы – гэта крывадушныя працаўнікі, якія прыкідваюцца Хрыстовымі Апосталамі.

14 Гал. 1:8 Ды не дзіва, бо нават сам шатан прыкідваецца анёлам святла.

15 Плп. 3:19 Таму нічога незвычайнага, што і яго паслугачы прыкідваюцца паслугачамі справядлівасці, але канец іх будзе паводле іх учынкаў.

16І зноў кажу: хай ніхто не лічыць мяне за неразумнага! У адваротным выпадку прыміце мяне, хоць як неразумнага, каб мог і я хоць крыху пахваліцца.

17 1Кар. 7:16 Што гавару, тое гавару не паводле Госпада, але як бы ў неразумнасці ў гэтай адвазе пахвалы.

18 Гал. 3:3; Плп. 3:4 Калі вось многія хваляцца паводле цела, дык і я буду хваліцца.

19 1Кар. 4:10 Бо ахвотна вы церпіце неразумных, хаця самі разумныя.

20 Гал. 2:4 Церпіце, калі хто бярэ вас у няволю, калі хто вас аб’ядае, калі хто абірае, калі хто над вамі ўзносіцца, калі хто б’е вас па твары.

21 Плп. 3:4 Кажу гэта на сорам, як быццам мы нядужыя былі; нехта мае ў гэтым адвагу, – кажу ў неразумнасці, – дык і я адважуся.

22 Дзеі 22:3; Рым. 11:1; Плп. 3:4 Яны гебраі? Дык і я! Яны ізраэльцы? Дык і я! Яны семя Абрагама? Дык і я!

23 1Кар. 15:10 Паслугачы Хрыста? Здурэўшы кажу – дык і я куды больш: у большай спрацаванасці, у шматлікіх вязніцах, звыш меры ў плягах, часта пры смерці;

24 Паўт. Зак. 25:3 ад юдэяў пяць разоў атрымаў па сорак удараў без аднаго,

25 Дзеі 14:5 тры разы быў біты палкамі, раз каменаваны, тройчы пацярпеў караблекрушэнне, ноч і дзень быў у марской глыбіні.

26 Дзеі 9:23; Гал. 2:4 Часта ў падарожжах, у небяспеках на рэках, у небяспеках ад разбойнікаў, у небяспеках ад народа, у небяспеках ад паганаў, у небяспеках у горадзе, у небяспеках у пустыні, у небяспеках на моры, у небяспеках ад фальшывых братоў,

27 Дзеі 14:23; 1Кар. 4:11; Плп. 4:12 у працы і знямозе, у частым чуванні, у голадзе і смазе, у многіх пастах, у холадзе і галізне,

28 Дзеі 20:31; 1Тэс. 3:10 і, апрача ўсяго іншага, штодзённы збор дзеля настаўніцтва ў мяне, клопат пра ўсе цэрквы.

29 1Кар. 8:9 Хто знемагаецца, а я не знемагаюся? Хто горшыцца, каб я не гарэў?

30Калі належыць хваліцца, буду і я хваліцца са сваіх немачаў.

31 Рым. 1:9; Гал. 1:20 Бог і Айцец Госпада нашага Ісуса Хрыста, Які дабраславёны навекі, ведае, што я не хлушу.

32 Дзеі 9:19 У Дамаску намеснік цара Арэты пільнаваў горад дамасцаў, каб мяне схапіць, і ў кашы спусцілі мяне цераз мур з акна, і так я ўцёк з рук яго.