1 Мц. 15:1 І сышліся да Яго фарысеі ды некаторыя кніжнікі, што прыбылі з Ерузаліма.
2 Мц. 15:20; Лк. 11:38 І, калі заўважылі, што некаторыя з вучняў Яго елі хлеб нячыстымі, гэта значыць нямытымі, рукамі, – дакаралі.
3 Мк. 7:5; Ян. 2:6 Бо фарысеі і ўсе юдэі не ядуць, калі не памыюць старанна рук, захоўваючы традыцыю дзядоў;
4таксама не ядуць, прыйшоўшы з рынку, пакуль не абмыюцца; па-за гэтым традыцыя іх загадвае трымацца многіх іншых рэчаў: мыць чары і збаны, і посуд медны, і лавы, –
5 Мц. 15:2 то пыталіся Яго фарысеі і кніжнікі: «Чаму вучні Твае не трымаюцца традыцый старэйшын, але ядуць хлеб нямытымі рукамі?»
6 Іс. 29:13 Мц. 15:8 А Ён, адказваючы, сказаў ім: «Добра пра вас, крывадушнікаў, праракаваў Ісая, як напісана: “Народ гэты славіць Мяне вуснамі, але сэрца іх далёка ад Мяне.
7 Клс. 2:8 Дарэмна, аднак, славяць Мяне, выкладаючы вучэнне пастаноў чалавечых”.
8І, аставіўшы прыказанне Божае, захоўваеце традыцыі чалавечыя: мыццё чараў і кубкаў, ды робіце шмат іншага, падобнага да гэтага».
9І гаварыў ім: «Ці добра, што вы касуеце прыказанне Божае і захоўваеце вашу традыцыю?
10 Вых. 20:12; 21:17; Святар. 20:9; Паўт. Зак. 5:16; Мц. 15:4 Майсей сказаў: “Шануй бацьку свайго і маці сваю”, ды: “Хто зняважыць бацьку або маці – хай будзе смерцю пакараны”.
11 Мц. 15:5 А вы кажаце: “Калі б чалавек сказаў бацьку або маці: “Корбан, значыць дар, тое, у чым табе ад мяне была б карысць”,
12 1Цім. 5:8 і ўжо дазваляеце нічога яму больш не рабіць для бацькі свайго або маці,
13перакручваючы Слова Божае праз традыцыю вашу, якую перадаяце далей, ды многа падобнага робіце».
14 Мц. 15:10 І, паклікаўшы зноў людзей, казаў ім: «Слухайце Мяне ўсе і разумейце.
15 Мц. 15:11; Рым. 14:14; Ціт. 1:5 Па-за чалавекам няма нічога, што, у яго ўваходзячы, магло б яго апаганіць, але ад чалавека выходзіць тое, што яго апаганьвае.
16Калі хто мае вушы, каб пачуць, хай чуе!»
17 Мц. 15:15 І, калі Ісус увайшоў у дом ад народа, пыталіся вучні Яго пра сэнс гэтай прыпавесці.
18 1Кар. 3:2; Геб. 5:11 І гаворыць ім: «Няўжо і вы такія няцямкія? Не разумееце, што ўсё, што звонку ўваходзіць у чалавека, не можа яго апаганіць,
19 Ціт. 1:15 бо тое ўваходзіць не ў сэрца, але ў жывот і выкідаецца вон, ачышчаючы ўсякую ежу».
20 Мц. 12:34; Як. 3:6 І казаў далей: «А што з чалавека выходзіць, тое апаганьвае чалавека.
21 Мц. 12:34; 2Пёт. 2:14; Гал. 5:19 Бо з нутра, з сэрца чалавека выходзяць благія думкі, распуснасць, зладзействы, забойствы,
22 Лк. 12:15; 1Пёт. 4:3; Рым. 1:28 чужаложства, хцівасць, нягоднасць, зайздрасць, бессаромнасць, ліхое вока, блюзненні, пыха, глупства.
23Усё гэта ліха з нутра выходзіць ды паганіць чалавека».
24 Мц. 15:21 І, устаўшы, выйшаў Ён адтуль у межы Тыра і Сідона. І, увайшоўшы ў дом, хацеў, каб ніхто аб гэтым не ведаў, і схавацца не змог.
25 Адкр. 1:17 Бо адна жанчына, у якой дачка мела нячыстага духа, як толькі пачула аб Ім, увайшла ў дом і пала Яму да ног.
26 Рым. 1:14 А жанчына гэтая была з грэкаў, родам з Сірафэніцыі. Яна прасіла Яго, каб выгнаў дэмана з дачкі яе.
27 Мц. 10:5; Дзеі 13:46 Ісус казаў ёй: «Дазволь перш насыціцца сынам, бо нядобра забіраць хлеб ад сыноў і кідаць яго сабакам».
28 Эф. 2:11 А яна адказвае Яму і кажа: «Так, Госпадзе, але ж і сабакі ядуць пад сталом крошкі ад дзяцей».
29 Лк. 18:14 І сказаў ёй: «Дзеля такога адказу ідзі: дэман выйшаў з дачкі тваёй».
30І, калі яна прыйшла дамоў, знайшла, што дачка ляжыць на ложку і дэман выйшаў.
31 Мц. 4:25 І, зноў пакінуўшы межы Тыра і Сідона, пайшоў Ён да мора Галілейскага пасярод межаў Дэкапаля.
32 Лк. 11:14 І прыводзяць да Яго глухога і нямога, каб Ён усклаў на яго руку.
33 Ян. 9:6 І, адвёўшы яго з Сабою ўбок, далей ад народа, уклаў Ісус пальцы Свае ў яго вушы ды Сваёй слінай дакрануўся да языка яго.
34 Ян. 11:33; Мц. 12:22; Лк. 5:26 І, глянуўшы ў неба, уздыхнуў і гаворыць: «Эфэта», што значыць: «Адкрыйся».
35І зараз жа адчыніліся вушы яго ды развязаліся путы языка яго, і пачаў добра гаварыць.
36І загадаў ім, каб нікому не казалі, але чым болей Ён забараняў, тым больш яны абвяшчалі.
37І тым больш яны дзівіліся, кажучы: «Усё добра робіць, і каб глухія чулі, робіць, і каб нямыя гаварылі».
Who We AreWhat We EelieveWhat We Do
2025 by iamachristian.org,Inc All rights reserved.
