Кніга Псальмаў Псальм 7 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1Жальба Давіда, якую выспеваў перад Богам дзеля Куша Бэньямінава.

2Госпадзе, Божа мой, на Цябе спадзяюся; уратуй мяне ад усіх тых, што чыняць мне пераследы, і вызвалі мяне,

3каб не схапіў хто, як леў, душы маёй, разрываючы яе, пакуль няма Таго, Хто ўратаваў бы.

4Госпадзе Божа мой, калі ўчыніў я нешта, калі ёсць няпраўда ў руках маіх,

5калі вярнуў я тым, што мне аддавалі назад благое, калі ўшанаваў непрыяцеля свайго марнага, дараваўшы яму,

6няхай вораг чыніць пераслед душы маёй, і схопіць, і растопча па зямлі жыццё маё і славу маю перакіне ў попел.

7Паўстань, Госпадзе, у гневе Тваім і ўзнясіся супраць лютасці непрыяцеляў маіх, і паўстань, Божа мой, на судзе, які Ты запавядаў.

8І хай сход народаў акружыць Цябе, і над ёю вярніся ізноў на вышыню:

9 Пс. 26:1 Госпад судзіць народы. Судзі мяне, Госпадзе, паводле справядлівасці маёй і паводле незласлівасці маёй, якая ёсць ўва мне.

10 Ярэм. 11:20; Адкр. 2:23 Хай спыніцца зласлівасць грэшнікаў, а справядлівага ўмацуй, справядлівы Божа, што пранікаеш у сэрцы і ўлонні.

11Успамога мая — у Бога, Які ратуе шчырых сэрцам.

12Бог — Суддзя справядлівы і магутны, гневаецца штодня,

13Ці не агаліў Ён ізноў меч Свой, ці не нацягнуў лук Свой і не падрыхтаваў яго?

14І падрыхтаваў Ён Сабе смяротную зброю, стрэлы Свае зрабіў агнявымі.

15 Ёў 15:35; Іс. 59:4 Вось: затаіў у сабе несправядлівасць — даў пачатак жалю — спарадзіў няпраўду;

16 Пс. 9:16; 57:7 пачаў капаць катлаван і выкапаў яго, і ўваліўся ў яму, якую зрабіў.

17Абернецца жаль яго на галаву яго, а зласлівасць яго спадзе на патыліцу яго.

18Спавядаюся Госпаду паводле справядлівасці Яго і буду спяваць псальмы імю Госпада Найвышэйшага.