Евангелле паводле Марка Раздзел 1 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1Пачатак Евангелля Ісуса Хрыста, Сына Божага.

2 Мал. 3:1; Мц. 11:10; Лк. 1:76 Як напісана ў Ісаі прарока: «Вось жа, Я пасылаю Анёла Майго перад абліччам Тваім, які прыгатуе дарогу Тваю перад Табой.

3 Іс. 40:3 Мц. 3:3; Лк. 3:4; Ян. 1:23 Голас таго, хто кліча ў пустыні: “Прыгатуйце дарогу Госпаду, прастуйце сцежкі Яму”».

4 Мц. 3:1; Лк. 3:3 З’явіўся Ян у пустыні, хрысцячы і абвяшчаючы хрост навяртання дзеля адпушчэння грахоў.

5І прыходзіла да яго ўся краіна Юдэйская і ўсе ерузалімцы, і, вызнаючы грахі свае, былі ім хрышчаны ў рацэ Ярдан.

6 2Цар. 1:8 Ян жа быў апрануты ў вярблюджы волас ды падпяразаны скураной дзяжкай па сваіх сцёгнах і еў саранчу і дзікі мёд.

7 Мц. 3:11; Лк. 3:16; Ян. 1:27 І навучаў ён, кажучы: «Ідзе за мной дужэйшы за мяне, Якому я не варты, пакланіўшыся, развязаць рамень пасталоў Яго.

8Я хрышчу вас вадой, а Ён будзе хрысціць вас Духам Святым».

9 Мц. 3:13; Лк. 3:21 І сталася: у тыя дні прыйшоў Ісус з Назарэта Галілейскага і быў ахрышчаны Янам у Ярдане.

10 Мц. 3:16; Лк. 3:21; Ян. 1:32 І, як толькі выходзіў з вады, убачыў адкрытыя нябёсы ды Духа, як голуба, што сыходзіў на Яго.

11 Род. 22:2; Пс. 2:7; Іс. 42:1; Мц. 3:17; Лк. 3:22 І азваўся голас з неба: «Ты – Сын Мой улюбёны, упадабаў Я Цябе».

12 Лк. 4:1 І зараз вядзе Яго Дух у пустыню.

13 Мц. 4:10 І Ён прабыў у пустыні сорак дзён, і выпрабоўваўся шатанам; і жыў побач са звярамі, і анёлы паслугавалі Яму.

14 Мц. 4:12; Лк. 4:14; Ян. 4:43 А пасля таго, як Ян быў узяты, прыбыў Ісус у Галілею, прапаведуючы добрую вестку Валадарства Божага

15і кажучы: «Споўніўся час, і наблізілася Валадарства Божае. Навярніцеся і верце Евангеллю!»

16 Мц. 4:18; Лк. 5:2; Ян. 1:40 І, праходзячы каля мора Галілейскага, убачыў Сімона і брата яго Андрэя, што закідалі сеткі ў мора; бо былі яны рыбаловамі.

17 Мц. 13:47 І сказаў ім Ісус: «Ідзіце за Мной, і Я зраблю вас лаўцамі людзей».

18 Мц. 4:18; Лк. 14:26 І адразу, пакінуўшы сеткі свае, яны пайшлі за Ім следам.

19І, адышоўшыся адтуль недалёка, убачыў Якуба Зебядзеева і Яна, брата яго, калі яны парадкавалі сеткі свае ў лодцы.

20І зараз паклікаў іх. І яны, пакінуўшы ў лодцы бацьку свайго Зебядзея з нанятымі работнікамі, пайшлі за Ім.

21 Мц. 4:13; Лк. 4:16 І ўваходзяць у Кафарнаўм. І адразу ў суботу, увайшоўшы ў сінагогу, стаў навучаць.

22 Мц. 7:28; Лк. 4:32 І ўсе дзівіліся з Яго навукі, бо вучыў іх, як Той, Хто мае ўладу, а не як кніжнікі.

23 Мц. 12:43; Лк. 4:33 І акурат у сінагозе быў чалавек, апанаваны духам нячыстым, і крычаў,

24 Мц. 8:28; Лк. 4:41 кажучы: «Што Табе да нас, Ісус з Назарэта? Прыйшоў загубіць нас? Ведаю, Хто Ты: Святы Божы».

25Але прыгразіў яму Ісус, кажучы: «Замаўчы і выйдзі з яго!»

26І нячысты дух, скалануўшы яго і крычучы моцным голасам, выйшаў з яго.

27І задзівіліся ўсе, ды пыталіся адзін аднаго, кажучы: «Што гэта такое? Ды што за навука гэта новая з уладаю, што загадвае нячыстым духам, і яны слухаюцца Яго?»

28 Мц. 4:24 І хутка разышлася чутка пра Яго па ўсёй Галілейскай краіне.

29 Мц. 8:14; Лк. 4:38 І адразу, выйшаўшы з сінагогі, прыбылі з Якубам і Янам ў дом Сімона і Андрэя.

30Цешча ж Сімона ляжала ў гарачцы, і адразу кажуць Яму пра яе.

31І, падышоўшы, Ісус падняў яе, узяўшы за руку, і пакінула яе гарачка, і яна паслугавала ім.

32 Мц. 8:16; Лк. 4:40 А калі сонца ўжо зайшло і настаў вечар, прыносілі да Яго ўсіх нямоглых і апанаваных дэманамі;

33і так увесь горад сабраўся перад дзвярамі.

34 Мц. 9:33; Лк. 4:41; Дзеі 16:17 І аздаравіў многіх, якіх розныя хваробы мучылі, і многіх дэманаў выгнаў, ды не дазваляў дэманам гаварыць, што яны ведалі Яго.

35 Мц. 26:39; Лк. 4:41; Геб. 5:7 І досвіткам, вельмі рана ўстаўшы, выйшаў і падаўся ў пустыннае месца і там маліўся.

36Сімон жа ды тыя, што з Ім былі, пайшлі за Ім.

37 Мц. 4:25; Ян. 3:26; Геб. 11:6 І, калі знайшлі Яго, кажуць Яму: «Усе Цябе шукаюць».

38 Лк. 4:43; Ян. 16:28 А Ён кажа ім: «Пойдзем у бліжэйшыя паселішчы, каб і там вясціць; бо Я дзеля таго прыйшоў».

39 Мц. 4:23; Лк. 4:44 Ды навучаў у сінагогах па ўсёй Галілеі і выганяў дэманаў.

40 Мц. 8:2; Лк. 5:12 І прыступіўся да Яго пракажоны, і маліў Яго, упаўшы на калені, кажучы Яму: «Калі хочаш, можаш мяне ачысціць».

41 Лк. 7:13 І Ісус пашкадаваў яго, і, працягнуўшы руку Сваю, дакрануўся да яго, і гаворыць яму: «Хачу, будзь ачышчаны».

42 Мц. 15:28 І, калі Ён сказаў, адразу сышла з яго праказа, і ён ачысціўся.

43І, пагразіўшы яму, адправіў яго адразу,

44 Святар. 14:1-32; Мц. 8:4; Лк. 5:14 кажучы: «Глядзі, нікому нічога не кажы, але ідзі, пакажыся святару і за ачышчэнне сваё складзі ахвяру, як загадаў Майсей на сведчанне ім».

45 Лк. 5:15; Ян. 6:2 Але ён, адышоўшы, пачаў шмат распавядаць ды шырыць слаўную чутку так, што ўжо Ён не мог адкрыта пайсці ў горад, але быў звонку ў бязлюдных мясцінах. І адусюль сыходзіліся да Яго.