1 Мк. 3:13; Лк. 6:13 І, склікаўшы дванаццаць вучняў Сваіх, даў ім уладу над духамі нячыстымі, каб выганяць іх і аздараўляць усякую хваробу ды ўсякую немач.
2 Ян. 1:41 А імёны дванаццаці Апосталаў такія: першы Сімон, якога завуць Пётрам, і Андрэй, брат яго, і Якуб, сын Зебядзееў, ды Ян, брат яго;
3 Мк. 15:40; Ян. 1:43 Піліп і Баўтрамей, Тамаш і Мацвей мытнік, Якуб, сын Алфееў, і Тадэй,
4 Лк. 6:15; Ян. 13:2 Сімон Кананіт і Юда Іскарыёт, які Яго выдаў.
5 Лк. 9:52; Ян. 4:9 Гэтых дванаццаць паслаў Ісус, загадваючы ім ды кажучы: «На шлях паганаў не ўступайце і ў гарады самарыцянаў не ўваходзьце.
6Але перш ідзіце да загубленых авечак дому Ізраэля.
7 Лк. 9:2 А ідучы, прапаведуйце, кажучы: “Наблізілася Валадарства Нябеснае”.
8Хворых аздараўляйце, памерлых уваскрашайце, пракажоных ачышчайце, дэманаў выганяйце. Дарма атрымалі, дарма давайце.
9 Мк. 6:8; Лк. 9:3 Не майце ў капшуках вашых ані золата, ані срэбра, ані медзі,
10ані торбы ў дарогу, ані дзвюх тунік, ані пасталоў, ані кія. Бо працаўнік варты пракорму свайго.
11А ў які горад або вёску зойдзеце, спытайцеся, хто ў ім прыстойны, ды там заставайцеся аж да свайго адыходу.
12Уваходзячы ў дом, вітайце яго, кажучы: “Супакой дому гэтаму”.
13І, калі дом той будзе варты, сыйдзе супакой ваш на яго. А калі не будзе варты, супакой ваш да вас вернецца.
14 Мк. 6:11; Лк. 9:5 А калі б хто вас не прыняў ды не слухаў слоў вашых, выйшаўшы вон з дома або з горада таго, абтрасіце пыл з ног вашых.
15 Род. 19:24-28 Сапраўды кажу вам: лягчэй будзе зямлі Садомскай і Гаморскай у дзень суда, чым таму гораду.
16 Лк. 10:3 Вось жа, пасылаю Я вас, нібы авечак сярод ваўкоў; дык будзьце разважлівымі, як змеі, і нявінныя, як галубы.
17 Мк. 13:9; Лк. 12:11 Сцеражыцеся людзей; бо павядуць вас на суды і ў сінагогах лупцаваць вас будуць.
18І за Мяне павядуць вас да намеснікаў і да ўладароў на сведчанне ім і паганам.
19 Мк. 13:11; Лк. 12:11 А калі вас выдаваць будуць, не думайце, як і што гаварыць, бо ў той час будзе дадзена вам, што сказаць.
20Бо не вы будзеце тымі, што гавораць, але Дух Айца вашага будзе гаварыць у вас.
21 Лк. 21:16; Ян. 16:2 І выдасць на смерць брат брата, а бацька – сына; і паўстануць сыны на бацькоў, і да смерці іх спрычыняцца.
22 Мк. 13:13; Лк. 21:17; Ян. 15:18 І будзеце вы ў нянавісці ад усіх за імя Маё; але хто вытрывае да канца, будзе збаўлены.
23 Мк. 13:10; Ян. 15:19 Калі вас пераследаваць будуць у гэтым горадзе, пераходзьце ў другі. Бо сапраўды кажу вам: не пройдзеце да канца гарадоў Ізраэля, аж прыйдзе Сын Чалавечы.
24 Лк. 6:40; Ян. 13:16 Вучань не вышэй за настаўніка, ані паслугач не вышэй за гаспадара свайго.
25 Мк. 3:22; Лк. 11:15; Ян. 8:48 Хопіць для вучня, каб быў як настаўнік яго, а для паслугача – як яго гаспадар. Калі гаспадара дому назвалі Бэльзебулам, тым больш хатніх яго.
26 Мк. 4:22; Лк. 8:17 Дык не бойцеся іх. Бо няма нічога скрытага, што не было б выяўлена, і нічога таемнага, што не стала б вядомым.
27Тое, што кажу вам у цемры, кажыце пры святле; і што чуеце на вуха, прапаведуйце на дахах.
28 Лк. 12:4; Як. 4:12 І не бойцеся тых, якія забіваюць цела, а душы забіць не могуць. Але бойцеся больш Таго, Хто можа і душу, і цела загубіць у пекле.
29Ці ж не за ас прадаюць двух вераб’ёў? А ніводзін з іх не ўпадзе на зямлю без ведама Айца вашага.
30Нават і валасы вашы на галаве ўсе палічаны.
31Дык не бойцеся, вы намнога важнейшыя за вераб’ёў.
32 Мк. 8:38; Лк. 9:26 Дык вось, кожнага, хто Мяне прызнае перад людзьмі, таго прызнаю і Я перад Айцом Маім, Які ёсць у небе.
33 Мк. 8:38; Лк. 9:26 А хто Мяне зрачэцца перад людзьмі, зракуся таго і Я перад Айцом Маім, Які ёсць у небе.
34Не думайце, што Я прыйшоў прынесці супакой на зямлю. Не супакой прыйшоў Я прынесці, але меч.
35 Міх. 7:6 Бо прыйшоў Я аддзяліць чалавека ад бацькі яго, дачку ад маці яе, сынавую ад свекрыві яе.
36І ворагі чалавеку хатнія яго.
37Хто любіць бацьку ці маці больш за Мяне, той не варты Мяне. І хто любіць сына ці дачку больш за Мяне, той не варты Мяне.
38 Мк. 8:34; Лк. 9:23 І хто не прымае крыжа свайго і не ідзе за Мною, той не варты Мяне.
39 Лк. 9:24; Ян. 12:25 І хто знойдзе душу сваю, той згубіць яе, а хто аддасць душу сваю за Мяне – знойдзе яе.
40 Мк. 9:37; Ян. 12:44 Хто прымае вас – Мяне прымае, а хто Мяне прымае – прымае Таго, Хто Мяне паслаў.
41Хто прымае прарока ў імя прарока, атрымае ўзнагароду прарока. Хто прымае справядлівага ў імя справядлівага, узнагароду справядлівага атрымае.
42 Мк. 9:41 І хто хаця б напіцца дасць кубак халоднай вады аднаму з гэтых найменшых толькі за імя вучня, сапраўды кажу вам: не страціць ён узнагароды сваёй».
Who We AreWhat We EelieveWhat We Do
2025 by iamachristian.org,Inc All rights reserved.
