Ліст да Піліпцаў Раздзел 1 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1Паўла і Цімафей, рабы Хрыста Ісуса, усім святым у Хрысце Ісусе, якія ёсць у Піліпах разам з епіскапам? і дыяканамі:

2 Эф. 1:2 ласка вам і супакой ад Бога, Айца нашага, і Госпада Ісуса Хрыста.

3Дзякую Богу майму, усякі раз успамінаючы вас,

4 1Тэс. 1:2 заўсёды ва ўсіх малітвах маіх за ўсіх вас з радасцю молячыся,

5 Клс. 1:6 дзеля вашага ўдзелу ў Евангеллі ад першага дня аж да цяпер,

6 1Кар. 1:8; 1Тэс. 1:3 маючы пэўнасць, што Той, Які пачаў у вас добрую справу, давядзе аж да дня Хрыста Ісуса;

7 Эф. 3:1 як справядліва мне думаць пра вас усіх, бо маю вас у сэрцы, і ў путах маіх, і ў абароне, і ва ўмацаванні Евангелля, бо ўсе вы супольнікі мае ў ласцы.

8 Рым. 1:9 Сведка мне Бог, як сардэчна імкнуся да ўсіх вас у Ісусе Хрысце.

9 Клс. 1:9 І аб тым малюся, каб любоў ваша ўсё больш і больш узрастала ў веданні і ўсякім адчуванні,

10 Іс. 45:23 Рым. 12:1; Плп. 2:15; 1Тэс. 5:23 каб пазнаваць вам лепшае, каб вы былі чыстымі і без заганы ў дзень Хрыстоў,

11 Мц. 5:16; Ян. 15:8 поўныя пладоў справядлівасці, што праз Ісуса Хрыста на ўшанаванне і славу Бога.

12 Эф. 6:21 Хачу, браты, каб вы ведалі: тое, што вакол мяне, спрычынілася больш да поспеху Евангелля,

13бо путы мае ў Хрысце праславіліся ва ўсёй прэторыі і ва ўсіх іншых,

14 Эф. 3:13 і многія з братоў у Госпадзе, асмеленыя маімі кайданамі, яшчэ больш адважыліся без страху абвяшчаць слова.

15 Паўт. Зак. 32:5; 2Кар. 2:17 Адны, праўда, з зайздрасці і пярэчлівасці вясцяць Хрыста, іншыя ж – з добрай волі.

16Тыя, што з любові, – ведаючы, што я дзеля абароны Евангелля пастаўлены,

17тыя ж, што з зайздрасці, прапаведуюць Хрыста няшчыра, з намерам зрабіць мае путы яшчэ цяжэйшымі.

18Дык што? Ці так, ці гэтак: ці дзеля віду, ці праўдзіва, Хрыстос абвяшчаецца; і я гэтаму рады, і буду радавацца,

19 Рым. 1:16 ведаючы, што гэта ўсё выйдзе мне на збаўленне праз вашы малітвы і з дапамогай Духа Ісуса Хрыста,

20 Рым. 14:8; Эф. 6:19 паводле чакання і спадзявання майго, што я ні ў чым не пралічуся, але з усёй упэўненасцю, як заўсёды, гэтак і цяпер хай уславіцца Хрыстос у целе маім ці праз жыццё, ці праз смерць.

21 2Пёт. 1:13; Гал. 2:20 Бо для мяне жыццё – гэта Хрыстос, і смерць – набытак.

22Але калі жыццё ў целе прыносіць плод у маёй дзейнасці, дык, што выбраць, не ведаю.

23 2Кар. 5:2; 1Тэс. 4:17 Цягне мяне адно і другое: жадаю адысці і быць з Хрыстом, бо гэта шмат лепшае,

24але заставацца ў целе больш патрэбна для вас.

25І гэта напэўна ведаю, што застануся з усімі вамі на карысць вашу і на радасць веры,

26 2Кар. 1:14 каб радасць ваша расла ў Ісусе Хрысце праз мяне, праз маё вяртанне да вас.

27 Дзеі 4:32; Юды 3; 1Тэс. 2:12 Толькі жывіце дастойна Евангелля Хрыстова, каб, ці калі прыбуду і ўбачу вас, ці адсутны, пачуў пра вас, што вы стаіце ў адным Духу, аднадумна змагаючыся за веру Евангельскую

28 Лк. 12:4; 1Пёт. 3:14 і ні ў чым не палохаецеся супраціўнікаў, што ім стане знакам загубы, вам жа – збаўлення, і гэта ад Бога.

29 Мц. 5:11; Дзеі 5:41 Вам бо дадзена дзеля Хрыста не толькі верыць у Яго, але і цярпець за Яго,

30 Дзеі 16:19; Клс. 2:1; 1Тэс. 2:2; 1Цім. 6:12; 2Цім. 4:7; Геб. 10:32 такое самае змаганне маючы, якое бачылі ўва мне і як чуеце цяпер пра мяне.