Першы ліст да Карынцянаў Раздзел 8 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Дзеі 15:20; Рым. 14:3 Што да ідалам складаных ахвяр, мы ведаем, бо маем усе веданне. Але веданне надзімае, а любоў будуе.

2 Гал. 6:3 Калі каму здаецца, што ён нешта ведае, дык ён нічога не спазнаў яшчэ, як трэба яму ведаць.

3 Гал. 4:9; 2Цім. 2:19 А калі хто любіць Бога, той вядомы Яму.

4 1Цім. 2:5 Адносна спажывання ідалам ахвяраванага мы ведаем, што няма на свеце ніякіх ідалаў і ніводнага бога, апрача Адзінага.

5 Ян. 10:34 А хоць і ёсць у небе ці на зямлі тыя, што называюцца багамі (бо шмат такіх багоў і гаспадароў),

6 Ян. 1:3; Дзеі 17:28; Рым. 11:36; Эф. 4:5; Клс. 1:16; Геб. 1:2; Адкр. 4:11 але для нас існуе толькі адзін Бог Айцец, ад Якога ўсё і мы для Яго, і адзін Госпад, Ісус Хрыстос, праз Якога ўсё і мы праз Яго.

7 Рым. 14:14 Але не ва ўсіх ёсць веданне: некаторыя дасюль з сумленнем, якое прызнае ідалаў, ядуць ахвяраванае ідалам, і свядомасць іх спаганьваецца, бо кволая.

8 Рым. 14:17 А ежа не набліжае нас да Бога, бо не бяднеем, калі не ядзім, і таксама, ядучы, нічога не набываем.

9 Рым. 14:13; Гал. 5:13 Усё ж такі глядзіце, каб ваша ўлада не сталася часам спакусай для слабых.

10Бо, калі б хто ўбачыў таго, што мае веданне і ўзлягае пры ідальскім, няўжо яго свядомасць, паколькі яна слабая, не заахвоціцца есці ідалам ахвяраванага?

11 Рым. 14:15 І слабы загіне з-за твайго ведання; брат, за якога памёр Хрыстос!

12 Мц. 25:40 А саграшаючы так супраць братоў і б’ючы па свядомасці іх нядужай, грашыце супраць Хрыста.

13 Рым. 14:2; 2Кар. 6:3 Дык, калі ежа горшыць брата майго, давеку не буду есці мяса, каб не горшыць брата майго.