Ліст да Эфесцаў Раздзел 2 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Лк. 15:24 І вы былі памерлымі праз правіны і грахі,

2у якіх калісьці хадзілі паводле гэтага веку, па волі князя ўлады паветранай, духа, які дзейнічае цяпер у сынах бунту.

3 1Пёт. 4:3 Між імі і мы калісьці жылі ўсе ў пажадлівасцях цела нашага, выконваючы волю цела і думак, і былі мы па прыродзе дзецьмі гневу, як і іншыя.

4 Ян. 3:16 Але Бог, багаты міласэрнасцю, праз бязмежную любоў Сваю, якою ўзлюбіў нас

5і, хоць былі мы мёртвымі праз грахі, ажывіў нас з Хрыстом, – ласкаю вы збаўлены, –

6і ўваскрасіў разам, і пасадзіў разам у нябёсах у Хрысце Ісусе,

7 Ціт. 3:4; Адкр. 21:1 каб у наступных вяках выявіць нам незвычайныя багацці ласкі Сваёй у ласкавасці да нас у Хрысце Ісусе.

8 Дзеі 15:11; Рым. 3:24; 2Цім. 1:9 Бо ласкаю вы збаўлены праз веру, і гэта не ад вас, але Божы дар;

9 Рым. 3:27; 1Кар. 1:26 не праз учынкі, каб ніхто не хваліўся.

10 Ціт. 2:14; Геб. 13:21 Бо мы – Яго стварэнне, створаныя ў Хрысце Ісусе для добрых спраў, якія Бог загадзя прыгатаваў, каб мы ў іх жылі.

11 Рым. 2:28 Дзеля таго памятайце, што вы, калісьці пагане целам, якіх завуць неабрэзанымі тыя, што называюцца абрэзанымі абразаннем на целе рукатворным,

12 Клс. 1:21 у той час былі без Хрыста, адчужаныя ад супольнасці з Ізраэлем і аддаленыя ад абяцанняў запаветаў, не маючы надзеі і без Бога ў свеце.

13 Дзеі 2:39 Цяпер жа ў Хрысце Ісусе вы, што калісьці былі далёка, сталіся блізкімі праз Кроў Хрыстову.

14 Ян. 16:33 Бо Ён – супакой наш, Які злучыў абодвух у адно і зруйнаваў сцяну між імі і варожасць, целам Сваім,

15 2Кар. 5:17 скасаваў закон прыказанняў вучэннем, каб стварыць у Сабе з двух аднаго новага чалавека, творачы супакой,

16і прымірыць з Богам абодвух у адным целе праз крыж, знішчаючы варожасць на ім.

17 Іс. 57:19; Дзеі 10:36 І, прыйшоўшы, абвясціў супакой вам, якія былі далёка, ды тым, што былі блізка.

18 Ян. 10:9 Бо праз Яго адны і другія маем доступ да Айца ў адным Духу.

19 Геб. 3:6 Дык таму вы ўжо не чужынцы і прыхадні, але суграмадзяне святых і члены сям’і Божай,

20 1Пёт. 2:4 угрунтаваныя на падмурку Апосталаў і прарокаў, дзе вуглавым каменем ёсць Сам Хрыстос Ісус,

21 1Кар. 3:16 на Якім уся пабудова зладжана расце ў святую святыню ў Госпадзе,

22на Якім і вы разам будуецеся на жытло Божае Духам.