Кніга Псальмаў Псальм 3 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 2Сам. 15:13–17:22 Псальм Давідаў, калі ўцякаў ад свайго сына Абсалома.

2Божа, як жа многа тых, што непакояць мяне, як шмат бунтуюцца супраць мяне!

3Многія вось кажуць душы маёй: «Няма яму збаўлення ў Богу».

4Ты ж, Госпадзе, Божа, шчыт мой, хвала мая Ты, галаву падымаеш мне ўверх.

5Клічам сваім прызываў я Госпада. І выслухаў Ён мяне з гары Сваёй святой.

6Я лёг і выспаўся, устаў, бо Госпад ахоўвае мяне.

7 Пс. 27:3 Не збаюся і тысячы людзей, што навокал мяне абступілі.

8Узніміся, Госпадзе! Ухавай мяне, Божа мой! Бо па шчацэ даў Ты ўсім супраціўнікам маім, павыбіваў Ты зубы грэшнікам.

9У Бога бо збаўленне, і дабраславенне Тваё Твайму народу!