Кніга Псальмаў Псальм 66 (65) - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Пс. 100:1 Кіраўніку хору. Песня. Псальм. Усклікайце радасна да Бога, кожная зямля,

2псальм спявайце славе імя Яго, услаўляйце славу Яго.

3Кажыце Богу: «Якія ж страшныя справы Твае!» Дзеля велічнасці моцы Тваёй будуць падлашчвацца да Цябе непрыяцелі Твае.

4Кожная зямля паклоніцца Табе і будзе спяваць псальмы Табе, праспявае псальм імю Твайму.

5 Пс. 46:9 Прыйдзіце і паглядзіце на справы Божыя, страшны Ён у вынаходніцтвах над сынамі чалавечымі!

6 Вых. 14:21; Еш. 3:14-17 Пераўтварыў Ён мора ў сушу, і па рацэ перайдуць пехатою; там узвесялімся мы ў Ім.

7Ён валадарыць у магуцці Сваім вечна, вочы Яго пазіраюць на народы, бунтаўнікі хай не ўзвышаюцца самі ў сабе.

8Дабраславіце, народы, Бога нашага, і ўчыніце, каб пачуты быў голас хвалы Яго;

9Ён прыклаў душу нашу да жыцця і не выдаў на хістанне ногі нашы.

10Бо Ты праверыў нас, Божа наш, агнём нас выпрабаваў, як выпрабоўваюць срэбра.

11Увёў Ты нас у пастку, усклаў беды на спіну нашу.

12 Іс. 43:2 Насадзіў Ты людзей на галовы нашы, прайшлі мы праз агонь і ваду, і вывеў Ты нас да палёгкі.

13Увайду я ў дом Твой з цэласпаленнямі; аддам Табе абяцанні мае,

14якія прараклі вусны мае і прамовіў язык мой у бядзе маёй.

15Тлустыя цэласпаленні прынясу я Табе з ахвяраваннем бараноў, прынясу Табе быкоў з казламі.

16Прыйдзіце, паслухайце, што я распавяду, вы ўсе, што шануеце Бога, — што ўчыніў Ён для душы маёй.

17Да Яго паклікаў я вуснамі маімі і ўзвялічыў языком маім.

18Калі ж схіліўся б я да несправядлівасці ў сэрцы сваім, то не выслухае Госпад.

19Таму выслухаў Бог, звярнуў увагу на маленне маё. малітвы маёй і міласэрнасці Сваёй ад мяне.