Ліст да Рымлянаў Раздзел 12 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 1Кар. 6:15; 1Пёт. 2:5 Дык прашу вас, браты, праз міласэрнасць Божую, аддавайце целы вашы ў ахвяру жывую, святую, мілую Богу на разумнае служэнне ваша.

2 Эф. 4:22; Ціт. 3:5; 1Ян. 2:15 І не ўпадабняйцеся гэтаму веку, але перамяняйцеся праз аднаўленне розуму вашага, каб пазналі, якая ёсць воля Божая, добрая, прыемная, дасканалая.

3 1Кар. 15:10; Эф. 4:7 Дадзенаю мне ласкаю кажу кожнаму з вас, каб не думалі аб сабе вышэй, чым належыць, але каб думалі цвяроза, паводле той меры веры, якую вызначыў Бог.

4 1Кар. 12:12; Эф. 4:4 Бо як у адным целе маем многа членаў, а ўсе члены не тую самую работу маюць,

5 1Кар. 10:17; Гал. 3:28 так і мы многія ёсць адно цела ў Хрысце, а паасобку адзін для аднаго – члены.

6А паводле дадзенай нам ласкі маем розныя дары: калі дар прароцтва – то згодна з верай,

7калі служэнне – то для служэння, калі хто навучае – для навучання,

8 Мц. 6:1 калі хто заахвочвае – для заахвочвання; калі хто раздае – у прастаце сэрца, калі хто старшынствуе – дык рупліва, калі хто мілуе – дык з ахвотаю.

9 1Цім. 1:5 Любоў хай будзе без крывадушнасці. Адварочвайцеся ад ліха, прыгартайцеся да дабра;

10 Ян. 13:34 шчыра любіце адзін аднаго братняю любоўю, у пашане адзін аднаго апераджаючы;

11у рупнасці не слабейце, духам палаючы, Госпаду служачы,

12 Лк. 10:20 у надзеі будзьце радасныя, у горы цярплівыя, у малітве сталыя,

13 Мц. 25:40; Лк. 6:28 бярыце ўдзел у патрэбах святых, будзьце гасцінныя.

14 Мц. 5:44; Лк. 6:28 Дабраслаўляйце пераследавальнікаў сваіх; дабраслаўляйце, а не кляніце!

15 1Кар. 12:26 Радуйцеся з тымі, хто радуецца, плачце з тымі, хто плача.

16 Высл. 3:7; Рым. 15:5; 2Кар. 13:11; Плп. 2:2; 1Пёт. 3:8 Будзьце між сабой аднадумцамі, не сягайце думкамі высока, але ідзіце ўслед за пакорлівымі. Не будзьце мудрымі самі з сабой.

17 Мц. 5:39 Не аддавайце злом за зло. Дбайце пра добрае перад усімі людзьмі.

18 Геб. 12:14 Наколькі магчыма ды наколькі ад вас залежыць, жывіце з усімі людзьмі ў згодзе.

19 Паўт. Зак. 32:35; Геб. 10:30 Не помсціце, умілаваныя, самі за сябе, але дайце месца гневу, як напісана: «Мне помста, Я аддам», – кажа Госпад.

20 Высл. 25:21, 22; Мц. 5:44; Лк. 6:27 Дык, калі будзе галодны вораг твой, накармі яго; калі будзе сасмаглы, дай яму піць. Так вось робячы, вуголле гарачае насыпаеш яму на галаву.

21 Рым. 12:1; 1Пёт. 3:9 Не дайся, каб цябе перамагло зло, але перамагай зло дабром.