Ліст да Філімона Раздзел 1 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1Паўла, вязень Хрыста Ісуса, і Цімафей, брат, умілаванаму Філімону, супрацоўніку нашаму,

2і Апфіі, сястры ўмілаванай, і Архіпу, таварышу нашаму ў змаганні, і царкве, якая ў тваім доме знаходзіцца:

3 Эф. 1:2; 1Пёт. 1:2 ласка вам і супакой ад Бога, Айца нашага, і Госпада Ісуса Хрыста.

4 Рым. 1:8; Эф. 1:16; 1Тэс. 1:2; 2Тэс. 1:3 Дзякую заўсёды Богу майму, колькі разоў успамінаю цябе ў сваіх малітвах,

5 Эф. 1:15; Клс. 1:4; 1Тэс. 3:6 чуючы аб любові тваёй і веры, якую маеш да Госпада Ісуса і да ўсіх святых,

6 Плп. 1:9; Клс. 1:9; Як. 2:14; 2Пёт. 1:5 каб супольнасць веры тваёй сталася бачнай у пазнанні ўсякіх даброццяў, якія маем у вас у Хрысце Ісусе.

7 2Кар. 7:4 Бо вялікую радасць меў я, браце, і пацеху з любові тваёй, бо сэрцы святых супакоіліся праз цябе.

8Хоць я і маю вялікую адвагу ў Хрысце загадаць табе што да справы належыць,

9усё ж такі дзеля любові лепш папрашу цябе я, Паўла, стары чалавек, а цяпер і вязень Хрыста Ісуса.

10 1Кар. 4:15; Клс. 4:9 Прашу цябе за майго сына, якога нарадзіў я ў кайданах маіх, Анісіма,

11які калісьці быў табе некарысны, а цяпер і табе, і мне карысны,

12якога я табе вяртаю. Дык ты прымі яго, як маё сэрца.

13 Плп. 2:30 Хацеў я яго пры сабе затрымаць, каб мне за цябе паслужыў у кайданах дзеля Евангелля.

14 1Пёт. 5:2; 2Кар. 9:7 Але без парады з табою не хацеў зрабіць, каб часам не вымушаным было дабрадзейства тваё, але з добрае волі.

15Можа быць, што ён адлучыўся толькі на кароткі час дзеля таго, каб ты ўзяў яго навек,

16 Эф. 6:5; Клс. 3:22; 1Цім. 6:1 ужо не як нявольніка, але вышэй за нявольніка, як брата найдаражэйшага, асабліва мне, але тым больш табе, цялесна і ў Госпадзе.

17 2Кар. 8:23 Дык калі маеш мяне за супольніка, прымі яго, як мяне.

18Калі ж ён у чым пакрыўдзіў цябе або што вінен, гэта на мяне залічы.

19 1Кар. 16:21; Гал. 6:11; 2Тэс. 3:17 Я, Паўла, напісаў уласнаю рукою, што я сплачу табе; каб пры тым не казаць табе, што і ты сабою вінаваты мне.

20Так яно, браце! Хачу я табою паслужыцца ў Госпадзе. Умацуй маё сэрца ў Госпадзе.

21Спадзеючыся на тваю паслухмянасць, напісаў табе, ведаючы, што і больш таго, аб чым прашу, зробіш.

22 2Кар. 1:11; Плп. 1:25; Геб. 13:19 Адначасова прашу, прыгатуй мне кватэру, бо спадзяюся, дзякуючы вашым малітвам, што буду падараваны вам.

23Вітаюць цябе Эпафрас, вязень разам са мною ў Хрысце Ісусе,

24 Дзеі 12:12; Клс. 4:10; 2Цім. 4:10 Марк, Арыстарх, Дэмас і Лука, памочнікі мае. Ласка Госпада нашага Ісуса Хрыста з духам вашым. Амін.