Ліст да Гебраяў Раздзел 11 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Ян. 20:29; Рым. 8:24; 2Кар. 4:18 Вера – гэта здзяйсненне чаканага і пэўнасць у рэчах, якіх не бачым.

2Дзякуючы ёй продкі атрымалі сведчанне.

3 Род. 1:1; Пс. 33:6, 9; Ян. 1:3; Рым. 1:20; 2Пёт. 3:5 Праз веру пазнаём, што словам Божым наладжаны вякі і што з нябачнага паўстала бачнае.

4 Род. 4:3-10; Мц. 23:35; Рым. 10:10; 1Ян. 3:12 Праз веру Абэль прынёс Богу лепшую ахвяру, чым Каін, праз што атрымаў сведчанне, што ён справядлівы. Бо Бог засведчыў пра яго дары, і праз яе нават памерлы гаворыць.

5 Род. 5:21-24 Праз веру Гэнох перанесены быў, каб не бачыў смерці, і не знайшлі яго, бо перасяліў яго Бог; бо перад перанясеннем сваім атрымаў сведчанне, што ён мілы Богу.

6А без веры немагчыма падабацца Богу. Бо трэба верыць, шукаючы Бога, што Ён ёсць і шукаючым Яго дае ўзнагароду.

7 Род. 6:13-22; Рым. 3:22; 1Пёт. 3:20; 2Пёт. 2:5 Праз веру атрымаў Ной аб’яўленне аб тым, што яшчэ было нябачным, і богабаязна пабудаваў каўчэг на выратаванне сям’і сваёй. Праз яе асудзіў ён свет і стаўся спадкаемцам справядлівасці праз веру.

8 Род. 12:1-5 Праз веру пакліканы Абрагам паслухаўся пайсці ў месца, якое павінен быў атрымаць у спадчыну, і выйшаў, не ведаючы, куды ідзе.

9 Род. 35:27 Праз веру асеў ён у зямлі абяцанай, як у чужой, у палатках пражываючы з Ізаакам і Якубам, са спадкаемцамі таго ж самага абяцання.

10 Геб. 12:22; Адкр. 21:10 Бо спадзяваўся на горад, які мае моцныя падмуркі, будаўнічы якога і творца – Бог.

11 Род. 18:11-14; 21:2; Рым. 4:19 Праз веру і сама Сара, бясплодная, нягледзячы на ўзрост, атрымала моц на пачацце нашчадка і нарадзіла, бо паверыла, што верны Той, Які даў абяцанне.

12 Рым. 4:19; Род. 15:5; 22:17; 32:12 Дзеля таго і ад аднаго, прытым амярцвелага, нарадзілася шмат, як зорак на небе і як пяску незлічонага на беразе мора.

13 Род. 23:4; 1Пар. 29:15; Пс. 39:13; 119:19; Ян. 8:56; Эф. 2:19; 1Пёт. 1:17 Усе яны памерлі ў веры, не атрымаўшы таго, што ім было абяцана, толькі здалёк аглядаючы яго, вітаючы і вызнаючы, што на зямлі яны толькі вандроўнікі і госці.

14Бо якія так кажуць, паказваюць, што шукаюць бацькаўшчыны.

15Калі ж бы тую ўспаміналі, з якой выйшлі, знайшлі б час у яе вярнуцца.

16 Мц. 22:32; Ян. 14:2; Адкр. 21:2 Але яны тужаць па лепшай, гэта значыць па нябеснай. Вось таму Бог не саромеецца называць Сябе іх Богам, бо падрыхтаваў ім горад.

17 Род. 22:1-14 Праз веру прынёс Абрагам Ізаака, калі выпрабоўваўся, і адзінага сына склаў у ахвяру той, які атрымаў абяцанне

18 Род. 21:12; Рым. 9:7 і якому было сказана: «Ад Ізаака будуць называцца твае нашчадкі».

19 Мц. 20:19; Рым. 4:17; Адкр. 20:4 Верыў жа ён, што і мёртвага можа Бог уваскрасіць; таму і атрымаў яго ў вобраз.

20 Род. 27:27-29, 39, 40 Праз веру ў будучыню дабраславіў Ізаак Якуба і Эзава.

21 Род. 47:31–48:20 Праз веру Якуб, паміраючы, дабраславіў кожнага з сыноў Язэпа і пакланіўся перад верхам кія свайго.

22 Род. 50:24, 25; Вых. 13:19 Праз веру Язэп, паміраючы, нагадваў аб выхадзе сыноў Ізраэля і даў даручэнне адносна сваіх касцей.

23 Вых. 1:22; 2:2; Дзеі 7:20 Праз веру Майсей быў укрываны бацькамі сваімі на працягу трох месяцаў ад свайго нараджэння, бо бачылі, што прыгожае дзіцятка, і не спалохаліся загаду фараона.

24 Вых. 2:10-12 Вырасшы, Майсей праз веру адмовіўся называцца сынам дачкі фараона,

25лепш выбіраючы быць пераследаваным разам з народам Божым, чым мець часовую прыемнасць граху.

26 Рым. 8:18; 2Кар. 4:17 Бо лічыў за большае багацце знявагі Хрыстовы, чым скарбы егіпецкія, бо глядзеў на ўзнагароду.

27Праз веру пакінуў ён Егіпет, не збаяўшыся злосці царскай; вытрываў, як быццам бачачы Нябачнага.

28 Вых. 12:21-30 Праз веру справіў Пасху і апырскванне крывёй, каб знішчальнік першынцаў не крануў іх.

29 Вых. 14:21-31; Юды 5 Праз веру перайшлі яны Чырвонае мора, як быццам па сухой зямлі; калі ж спрабавалі гэта зрабіць егіпцяне, былі патоплены.

30 Еш. 6:12-21 Праз веру паразвальваліся муры Ерыхона, калі абыходзілі іх вакол сем дзён.

31 Еш. 2:1-21; 6:22-25; Як. 2:25 Праз веру блудніца Рахаб не загінула разам з няверуючымі, бо ў супакоі прыняла выведчыкаў.

32 Суд. 4:6–5:31; 6:11–8:32; 11:1–12:7; Суд. 13:2–16:31; 1Сам. 1:1; 25:1; 1Цар. 2:11; Дзеі 3:24 Ды што яшчэ маю сказаць? Не хапіла б часу расказваць пра Гедэона, Барака, Самсона, Яфтаха, Давіда, Самуэля і прарокаў,

33 Дан. 6:1-27; Адкр. 10:7 якія вераю перамагалі царствы, аказвалі справядлівасць, атрымлівалі абяцанні, закрывалі пашчы львам,

34 Дан. 3:1-30 тушылі полымя агню, усцерагаліся смерці ад меча, ачуньвалі ад немачы, былі стойкімі ў баях, змушаючы ўцякаць дружыны ворагаў;

35 1Цар. 17:17-24; 2Цар. 4:25-37 жонкі атрымлівалі сваіх памерлых уваскрослымі. Іншыя былі замучаны, не прыняўшы вызвалення, каб атрымаць лепшае ўваскрэсенне;

36 1Цар. 22:26, 27; 2Пар. 18:25, 26; Ярэм. 20:2; 37:15; 38:6; Дзеі 22:25 іншыя ж нацярпеліся здзекаў і біцця ды яшчэ кайданоў ды астрогу,

37 2Пар. 24:21; Мц. 3:4; Дзеі 7:52; Як. 5:10 каменавалі іх, перапілоўвалі і катавалі, гінулі яны ад меча, туляліся ў авечых і казліных скурах, жылі ў горы, нястачах і прыгнёце.

38Не варты быў іх свет, а блукалі па пустынях, па гарах, у пячорах і шчылінах зямлі.

39 Лк. 10:24 І ўсе гэтыя, атрымаўшы сведчанне праз веру, не атрымалі абяцанага,

40 Мц. 5:48 дзеля таго, што Бог прадбачыў для нас нешта лепшае, каб яны не без нас дасягнулі дасканаласці.