Ліст да Эфесцаў Раздзел 5 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Мц. 5:48 Дык будзьце паслядоўнікамі Бога, як сыны найдаражэйшыя,

2 Вых. 29:18; Пс. 40:7; Гал. 1:4; Плп. 4:18; 1Ян. 3:11 і жывіце ў любові, як і Хрыстос узлюбіў нас і выдаў Самога Сябе за нас як дар і ахвяру Богу на водар прыемнасці.

3 Лк. 12:15 Распуста ж і ўсякая нячыстасць або сквапнасць хай і не ўзгадваюцца ў вас, як і належыць у святых,

4 Плп. 4:6; Клс. 3:8 і разбэшчанасць ці брыдкаслоўе, ці насмешка непрыстойная – неадпаведаюць, але лепш падзяка.

5 Мц. 6:24 Вось, гэта вы ведаеце, што ні адзін распуснік або нячысты ці сквапны, што з’яўляецца служыцелем ідалаў, не мае ўдзелу ў Валадарстве Хрыстовым і Божым.

6 Мц. 24:4; Лк. 21:8 Хай ніхто вас не зводзіць пустымі словамі, бо за гэта прыйшоў гнеў Божы на сыноў непакорлівасці.

7 1Кар. 15:33; 1Цім. 5:22 Дык не станьцеся супольнікамі іх.

8 Ян. 8:12 Бо былі вы калісьці цемраю, а цяпер вы – святло ў Госпадзе, дык і жывіце, як сыны святла.

9 Мц. 5:16 Плод жа Духа выяўляецца ва ўсякай дабрыні, і справядлівасці, і праўдзе.

10 Рым. 12:1 Выпрабоўвайце, што падабаецца Госпаду,

11і не прымайце ўдзелу ў бясплённых справах цемры, але лепш выкрывайце.

12 Рым. 1:24 Бо сорамна і казаць аб тым, што робіцца імі патаемна.

13Усё, што выклікае дакаранні, выяўляецца ў святле,

14бо ўсё, што выяўляецца, ёсць святло. Таму і сказана: «Устань, які спіш, і паўстань з мёртвых, і будзе свяціць табе Хрыстос».

15Дык глядзіце, браты, асцярожна хадзіце, не як неразумныя, але як мудрыя,

16выкарыстоўваючы час, бо дні цяпер ліхія.

17 Рым. 12:2; 1Кар. 14:20 Дзеля таго не будзьце неразважлівымі, але разумейце, што ёсць воля Госпада.

18І не ўпівайцеся віном, у якім распуста, але напаўняйцеся Духам,

19 Дзеі 16:25; Як. 5:13 гаворачы між сабою псальмамі, і гімнамі, і песнямі духоўнымі; спяваючы і граючы Госпаду ў сэрцах вашых.

20 1Пёт. 2:5; Клс. 3:17 Дзякуйце заўсёды Богу і Айцу за ўсё ў імя Госпада нашага Ісуса Хрыста,

21падпарадкоўваючыся адзін аднаму ў страху Божым.

22Жанчыны падпарадкоўвайцеся мужам сваім, як Госпаду,

23 1Кар. 11:3; Эф. 1:22; Клс. 1:18 бо муж – галава жанчыны, як Хрыстос – галава Царквы і Ён жа – Збаўца цела.

24Але, як Царква падпарадкавана Хрысту, так і жонкі мужам сваім ва ўсім.

25 1Пёт. 3:7; Гал. 1:4 Мужы, любіце жонак сваіх, як і Хрыстос любіць Царкву і Самога Сябе выдаў за яе,

26каб асвяціць яе, ачышчаючы лазняй воднаю ў слове,

27каб Яму паставіць Сабе Царкву слаўнай, без пляміны ці зморшчыны або чагосьці падобнага, але каб была яна святая і беззаганная.

28Так і мужы павінны любіць жонак сваіх, як уласныя целы. Хто сваю жонку любіць, сам сябе любіць.

29Бо ніхто ніколі не меў у нянавісці цела свайго, але корміць і спагадае яму, як Госпад Царкве,

30бо мы – члены Цела Яго, косць з касцей Яго ды цела з цела Яго.

31 Род. 2:24; Мц. 19:5; Мк. 10:7 Дзеля таго пакіне чалавек бацьку свайго і маці і злучыцца з жонкай сваёй, і будуць двое адным целам.

32 Ян. 3:29 Гэта вялікая таямніца; а я кажу аб Хрысце і Царкве.

33 1Пёт. 3:1; Клс. 3:19 Вось жа і вы, усякі па сабе, кожны хай любіць жонку сваю, як самога сябе, а жонка хай баіцца мужа.