Ліст да Калосцаў Раздзел 3 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Пс. 110:1 Дык калі вы ўваскрэслі з Хрыстом, шукайце таго, што ўгары ёсць, дзе Хрыстос сядзіць праваруч Бога;

2 Мц. 6:19 пра ўзгорнае думайце, а не пра зямное.

3 Клс. 2:20 Бо вы – памерлыя, і жыццё ваша пахавана з Хрыстом у Богу!

4Калі аб’явіцца Хрыстос, жыццё ваша, тады і вы аб’явіцеся з Ім у славе.

5 Мк. 7:21 Дык мярцвіце члены вашыя, што на зямлі: распусту, нячыстасць, чужаложства, ліхія пажаданні і сквапнасць, якая ёсць балванапаклонства,

6праз якія надыходзіць гнеў Божы на дзяцей нявер’я,

7 1Кар. 6:11; Эф. 2:2 сярод якіх і вы калісьці жылі, калі былі між імі.

8Але цяпер адкіньце і вы ўсё: гнеў, мсцівасць, злосць, блюзненні і брыдкія словы з вуснаў вашых.

9 Эф. 4:25 Не хлусіце адзін аднаму вы, што скінулі з сябе старога чалавека з яго ўчынкамі

10 Род. 1:26; Рым. 12:2; 2Кар. 4:16; Эф. 4:24 і апрануліся ў новага, які несупынна аднаўляецца ў пазнанні па ўзоры Таго, Які яго стварыў,

11 1Кар. 12:13; Гал. 3:27 дзе ўжо няма грэка і юдэя, абразання і неабразання, іншаземца, скіфа, нявольніка і вольнага, але ўсё і ва ўсім Хрыстос.

12 Эф. 4:24; Плп. 2:1; 1Ян. 3:17 Дык апраніцеся як выбраннікі Божыя, святыя і ўлюбёныя, у сэрца спагаднае, ласкавасць, пакорлівасць, сціпласць, доўгацярплівасць,

13церпячы адны адных і прабачаючы адны адным, калі хто да каго мае жаль; як Хрыстос дараваў вам, так і вы.

14 Рым. 13:10; Гал. 5:6; Эф. 5:2; 1Пёт. 4:8 А па-над усё апраніцеся ў любоў, якая ёсць сукупнасць дасканаласці.

15І супакой Бога, да якога вы і пакліканы ў адным целе, хай пануе ў сэрцах вашых. І будзьце ўдзячныя.

16 1Кар. 14:26 Хай шчодра прабывае ў вас слова Хрыста, каб з усёю мудрасцю адны адных навучалі і настаўлялі ды каб з удзячнасцю Госпаду ў сэрцах вашых спявалі вы псальмы, гімны і песні духоўныя.

17І ўсё, што робіце словам ці дзеяннем, усё ў імя Госпада Ісуса, дзякуючы праз Яго Богу і Айцу.

18 Эф. 5:22; 1Пёт. 3:1 Жонкі, будзьце паслухмянымі сваім мужам, як належыць у Госпадзе.

19 Эф. 4:31; 1Пёт. 3:7 Мужы, любіце жонак і не будзьце для іх прыкрымі.

20 Эф. 6:1 Дзеці, слухайце бацькоў ва ўсім, бо гэта падабаецца Госпаду.

21 Эф. 6:4 Бацькі, не раздражняйце дзяцей вашых, каб яны не слабелі духам.

22 Эф. 6:5; 1Цім. 6:1; Ціт. 2:9; 1Пёт. 2:18 Нявольнікі, слухайцеся ва ўсім гаспадароў цялесных, не на вачах служачы, як дагаджаючы людзям, але ў прастаце сэрца, баючыся Бога.

23 Эф. 6:6 Усё, што ні робіце, ад душы рабіце, як Богу, а не людзям,

24 1Кар. 3:14; Эф. 6:8 ведаючы, што ў Госпада атрымаеце ва ўзнагароду спадчыну, бо вы служыце Госпаду Хрысту.

25 Паўт. Зак. 10:17 Хто чыніць несправядлівасць, атрымае тое, што зрабіў нягодна, бо няма зважання на асобы.