1 Як. 1:1 Пётра, Апостал Ісуса Хрыста, перасяленцам, расцярушаным у Понце, у Галатыі, у Кападоцыі, у Азіі і ў Бітыніі, выбраным
2 Рым. 1:5; Эф. 1:7; 2Тэс. 2:13; Геб. 10:22 наканаваннем Бога Айца пры асвячэнні Духам, дзеля паслухмянасці і пакраплення Крывёй Ісуса Хрыста: хай ласка і супакой будуць вам шчодра памножаны.
3 Ян. 3:3; Рым. 6:4; 1Кар. 15:20; Ціт. 3:5 Дабраславёны Бог і Айцец Госпада нашага Ісуса Хрыста, Які ў вялікай міласэрнасці Сваёй праз уваскрэсенне з памерлых Ісуса Хрыста адрадзіў нас да жывой надзеі,
4 Клс. 1:5; 2Цім. 4:8 да спадчыны незнішчальнай, і беззаганнай, і неўвядальнай, што захавана на нябёсах для вас,
5 Ян. 10:28; Плп. 4:7 якія магутнасцю Божай праз веру захоўваецеся дзеля збаўлення, прыгатаванага аб’явіцца ў апошні час.
6 Мц. 5:12; 2Кар. 4:17; Як. 1:2; 1Пёт. 4:12 З гэтага радуйцеся, хоць цяпер мусіце пасмуткаваць крыху дзеля шматлікіх выпрабаванняў,
7 Рым. 2:7; Як. 1:3 каб выпрабаваная ваша вера выявілася шмат даражэйшай за золата – яно, хоць і выпрабавана ў агні, ды ідзе на загубу, – на славу, пахвалу і гонар пры з’яўленні Ісуса Хрыста.
8 Ян. 20:29; 2Кар. 5:7; 1Ян. 4:20 Яго, хоць не бачылі, вы любіце і хоць цяпер не бачыце Яго, але верыце і цешыцеся радасцю невымоўнаю і найслаўнейшаю,
9 Рым. 6:23 дасягаючы праз веру вашу збаўлення душ.
10 Мц. 13:17 Гэтага збаўлення шукалі і выглядалі прарокі, якія прадказвалі будучую для вас ласку,
11даследуючы, калі і на якую пару паказваў Дух Хрыстоў, Які ў іх прабываў і Які прадказваў пакуты Хрыста і пазнейшую славу.
12 Эф. 3:10; 1Цім. 3:16 Ім было адкрыта, што не ім самім, а вам служыла абвешчанае праз іх, якія абвяшчалі вам Евангелле праз Духа Святога, спасланага з неба, у што заглянуць прагнуць і анёлы.
13Для гэтага, падперазаўшы сцёгны вашага розуму, чуваючы, майце моцную надзею на ласку, прызначаную вам у аб’яўленні Ісуса Хрыста.
14 Дзеі 17:30; Рым. 12:2 Як паслухмяныя дзеці, не кіруйцеся вашымі ранейшымі жаданнямі, калі вы былі яшчэ несвядомымі,
15 Лк. 1:75 але ва ўсіх паводзінах будзьце таксама святымі на ўзор Святога, Які вас паклікаў,
16 Святар. 11:44, 45; 19:2 бо напісана: «Будзьце святымі, бо Я – Святы».
17І калі Айцом завеце Таго, Хто без аглядкі на асобы судзіць кожнага паводле яго ўчынкаў, дык у страху праводзьце час пражывання вашага,
18ведаючы, што адкуплены вы ад марнага жыцця вашага, перададзенага вам бацькамі, не знішчаемым срэбрам або золатам,
19 Дзеі 20:28; 1Кар. 6:20; Эф. 1:7; Геб. 9:13; Адкр. 1:5 але найкаштоўнейшай Крывёй Хрыста, як Ягняці без заганы і без спракуды,
20Які быў прызначаны перад стварэннем свету, але аб’явіўся ў апошнія часы дзеля вас,
21 Дзеі 2:24 якія праз Яго ўверылі ў Бога, Які ўваскрасіў Яго з мёртвых і даў Яму славу, каб вера ваша і надзея былі скіраваны да Бога.
22 Ян. 13:34; Рым. 12:10 Ачысціўшы душы вашы паслухмянасцю праўдзе праз Духа дзеля здабыцця шчырай братняй любові, ад чыстага сэрца любіце адзін аднаго,
23 Ян. 1:13; 1Тэс. 2:13; Як. 1:18 як адроджаныя не са знішчальнага семя, але з незнішчальнага праз слова Бога жывога, якое трывае, на векі,
24 Іс. 40:6-8; Ян. 1:1 бо кожнае цела – як трава, і ўсякая слава яго – як кветка травы. Засохла трава – і кветка апала.
25 Але слова Госпада трывае вечна. Гэта вось слова прынесена вам як добрая вестка.
Who We AreWhat We EelieveWhat We Do
2025 by iamachristian.org,Inc All rights reserved.
