Евангелле паводле Мацвея Раздзел 27 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1

40

47І некаторыя з тых, што стаялі там, чуючы гэта, казалі: «Іллю кліча Ён».

48 Пс. 69:22; Мк. 15:36; Лк. 23:36; Ян. 19:29 І тут адзін з іх, адразу пабегшы і ўзяўшы губку, напоўніў яе воцатам, і насадзіў на трысціну і даваў Яму піць.

49Іншыя ж казалі: «Кінь, паглядзім, ці прыйдзе Ілля вызваліць Яго».

50 Мк. 15:37; Лк. 23:46; Ян. 19:30 А Ісус, ізноў закрычаўшы моцным голасам, сканаў.

51 Вых. 26:31-33; Мк. 15:38; Лк. 23:45 І вось заслона ў святыні разарвалася на дзве часткі зверху ўніз, і зямля здрыганулася, і каменне раскалолася,

52і адкрыліся магілы, і многія целы святых, што паснулі, паўсталі,

53і, выйшаўшы з магіл, па ўваскрэсенні Яго прыйшлі ў святы горад і паказаліся многім.

54 Мк. 15:39; Лк. 23:47 Сотнік жа і тыя, што з ім былі, вартуючы Ісуса, убачыўшы землятрус ды ўсё, што адбывалася, спалохаліся вельмі, кажучы: «Сапраўды, Ён быў Сын Божы».

55 Мк. 15:41; Лк. 8:2 Было там шмат жанчын, што назіралі здалёк, якія хадзілі следам за Ісусам ад Галілеі, паслугоўваючы Яму.

56 Мк. 15:40; Лк. 8:2; Ян. 19:25 Сярод іх была Марыя Магдалена і Марыя, маці Якуба і Язэпа, ды маці сыноў Зебядзеевых.

57 Мк. 15:42; Лк. 23:50; Ян. 19:38 А калі настаў вечар, прыйшоў багаты чалавек з Арыматэі, на імя Язэп, які і сам быў вучнем Ісуса.

58Ён прыйшоў да Пілата і прасіў цела Ісуса. Тады Пілат загадаў, каб аддалі цела.

59І Язэп, узяўшы цела, абгарнуў яго чыстым палатном,

60і паклаў Яго ў сваім новым склепе, што быў высечаны ў скале, і вялікі камень падкаціў да ўвахода ў склеп, і адышоў.

61І была там Марыя Магдалена і другая Марыя, што сядзелі насупраць магілы.

62А на другі дзень, які ёсць пасля дня Прыгатавання, сабраліся першасвятары і фарысеі ў Пілата,

63 Мк. 8:31; Лк. 9:22 кажучы: «Гаспадару, прыпомнілі мы, што ашуканец Гэты яшчэ жывы сказаў: “Праз тры дні Я ўваскрэсну”.

64Дык загадай вартаваць магілу аж да трэцяга дня, каб уначы не прыйшлі вучні Яго, і не выкралі Яго, і не сказалі людзям: “Ён паўстаў з мёртвых”, бо тады апошні падман будзе горшы за першы».

65Пілат гаворыць ім: «Вы маеце варту, ідзіце, сцеражыце, як умееце».

66Яны, пайшоўшы, умацавалі магілу вартай, прыклаўшы пячатку да каменя.