Кніга Псальмаў Псальм 97 (96) - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1Госпад заваладарыў! Хай радуецца зямля, хай весяляцца шматлікія астравы.

2 Пс. 89:15 Аблокі і туман — навокал Яго; справядлівасць і закон — гэта падмурак Яго пасаду.

3Агонь ідзе перад Ім і паліць наўкола Яго непрыяцеляў.

4Маланкі Яго асвятляюць сусвет: бачыць і трымціць зямля.

5Горы, як воск, растапляюцца перад Госпадам, перад Госпадам сусвету.

6 Пс. 19:2 Нябёсы вяшчаюць справядлівасць Яго, а ўсе народы бачаць Яго хвалу.

7Хай пасаромяцца ўсе, што пакланяюцца ідалам і што выхваляюцца балванамі сваімі. Пакланіцеся Яму, усе анёлы Яго.

8Чуе гэта і весяліцца Сіён, і радуюцца гарады Юды дзеля прысудаў Тваіх, Госпадзе.

9 Пс. 135:5 Бо ты, Госпадзе, праслаўлены на ўвесь свет, надзвычайна ўзвышаешся Ты над усімі багамі.

10Любіць Госпад тых, што ненавідзяць ліха; сцеражэ Ён душы святых, — з рукі грэшніка вызваліць іх.

11Для справядлівага ззяе святло, і для праўдзівых сэрцам — радасць.

12Цешцеся, справядлівыя, у Госпадзе, і вызнавайце памяць святасці Яго.