Кніга Псальмаў Псальм 99 (98) - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Вых. 25:22; 2Цар. 19:15 Госпад валадарыць — трымцяць народы, сядзіць Ён на херубінах, — трасецца зямля.

2Вялікі Госпад на Сіёне і Узвышні над усімі народамі.

3 Пс. 111:9 Хай вызнаюць імя Тваё вялікае і шаноўнае, бо яно святое.

4Валадар Магутны любіць суд. Ты ўстанавіў тое, што справядлівае, суд і законнасць учыніў Ты праз Якуба.

5Узвышайце Госпада Бога нашага, аддавайце паклон Яму ля падножжа ног Яго, бо Ён святы.

6 Вых. 32:11-14; Ліч. 14:13-20; 1Сам. 12:19-22 Майсей і Аарон — сярод святароў Яго, і Самуэль між тымі, што прызывалі імя Яго. Прызывалі Госпада, і Ён выслухаў.

7 Вых. 33:9 Прамаўляў да іх у слупе воблака. Яны выконвалі загады Яго і прыказанні, якія даў Ён ім.

8Госпадзе, Божа наш, Ты выслухоўваў іх; Божа, Ты быў да іх ласкавы, але помсціў за задумы іх.

9Узвышайце Госпада Бога нашага і пакланіцеся святой гары Яго, бо святы Госпад Бог наш.