Кніга Псальмаў Псальм 76 (75) - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1Кіраўніку хору. На струнах. Псальм. Асафа. Песня.

2Вядомы ў Юдэі Бог, у Ізраэлі вялікае імя Яго.

3І ёсць у Салеме хорам Яго, і паселішча Яго ў Сіёне.

4 Пс. 46:10; Ос. 2:18 Там знішчыў Ён прывабнасць лука, шчыт, меч і вайну.

5Ты Дзівосны, што нясеш святло ад гор крадзяжу.

6Абрабаваныя магутныя сэрцам, паснулі яны сваім сном, і не знайшлі ўсе моцныя мужы рук сваіх.

7Ад папрокаў Тваіх, Божа Якуба, пазаміралі вознік і конь.

8Ты — пагрозлівы, і хто супрацівіцца Табе? З таго часу і гнеў Твой.

9З неба дазволіў Ты пачуць прысуд; зямля здрыганулася і суцішылася,

10калі ўзняўся Бог на суд, каб збавіць усіх пакорлівых на зямлі.

11Бо гнеў чалавека будзе вызнаваць Цябе, і рэшткі гневу ўчыняць для Цябе дзень святочны.

12Прыносьце прысягі і выконвайце перад Госпадам Богам вашым; усе навокал Яго хай прыносяць дарункі Найвялебнаму.

13Таму, Які адымае дух князёў, Найвялебнаму сярод цароў зямных.