Ліст да Калосцаў Раздзел 2 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Плп. 1:30; 1Тэс. 2:2 Хачу, вось, каб вы ведалі, якую барацьбу я маю дзеля вас і адносна тых, што ў Лаадыцэі, і тых, што не бачылі мяне асабіста ў целе,

2 Ян. 17:3 каб парадаваліся сэрцы іх, злучаныя ў любові і для поўнага ўзбагачэння розуму, дзеля пазнання таямніцы Бога, і Айца, і Хрыста,

3у Якім усе скарбы мудрасці і ведання схаваны.

4 Рым. 16:18; Эф. 4:14 Гэта ж вам кажу, каб ніхто вас не падмануў падступствам слоў.

5 1Тэс. 2:17 Бо хаця я адсутны целам, але духам я з вамі, радуючыся і бачачы парадак ваш і цвёрдасць веры вашай у Хрыста.

6Дык як вы прынялі Хрыста Ісуса, Госпада, у Ім і жывіце,

7 Эф. 3:17 укаранёныя і ўбудаваныя ў Ім, і ўзмоцненыя ў веры, як і былі навучаны, узбагачаючыся ў ёй з падзякаю.

8 Рым. 16:18; Эф. 4:14; Геб. 13:9 Глядзіце, каб не збаламуціў вас хто філасофіяй і пустым ашуканствам паводле пераказу людзей, паводле стыхій свету, а не паводле Хрыста.

9 Ян. 1:14; Эф. 1:23 Бо ў Ім прабывае ўся паўната Боства цялесна,

10 1Пёт. 3:22; Эф. 1:20 і вы напоўнены Ім, Які ёсць галава ўсякага начальства і ўлады.

11 Плп. 3:3 У Ім вы абрэзаны нерукатворным абразаннем, скінуўшы з цела грахі цела, у абразанні Хрыстовым,

12пахаваныя з Ім у хросце, вы з Ім і ўваскрэслі праз веру ў магутнасць Бога, Які ўваскрасіў Яго з мёртвых.

13І вас, мёртвых у злачынствах і неабрэзанасці цела вашага, ажывіў разам з Ім, дараваўшы нам усе грахі,

14 Гал. 3:13; Эф. 2:15 скасаваўшы напісаную рукою пастанову, якая асуджала нас і была супраць нас, і ўзяў Яго з асяроддзя нашага, і, прыбіўшы цвікамі Яго да крыжа,

15 Эф. 6:12; Геб. 2:14 раззброіўшы начальствы і ўлады, выставіў адважна на відовішча, трыумфуючы над імі ў Ім.

16 Рым. 14:3; Геб. 9:10 Дык хай ніхто вас не асуджае за ежу або пітво, або з прычыны дня святочнага, ці маладзіка, ці суботы,

17 Геб. 8:5 якія з’яўляюцца ценем будучага, цела ж – Хрыстова.

18 1Кар. 8:1; 2Кар. 11:14 Ніхто няхай не пазбавіць вас узнагароды, маючы ўпадабанне ў прыніжэнні сябе і кульце анёлаў, звяртаючы ўвагу на тое, што не бачыў, марна пышачыся розумам цела свайго

19 Эф. 1:23 і не трымаючыся Галавы, ад Якой усё цела, суставамі і вязямі злучанае і змацаванае, расце ўзрастаннем Божым.

20 Рым. 6:2; Гал. 4:3 Дык калі вы памерлі з Хрыстом для стыхій свету, чаму ж, быццам жывучы яшчэ ў свеце, падпарадкоўваецеся пастановам:

21«Не чапай, не каштуй, не дакранайся»?

22 Мц. 15:9 Гэта ўсё праз само карыстанне вынішчаецца, згодна з пастановамі і навукамі чалавечымі.

23 Рым. 13:14 Гэта мае толькі выгляд мудрасці ў самавольным служэнні, у пакорлівасці, у нядбанні пра цела, у поўнай непашане да насычанасці цела.