Першы ліст да Цімафея Раздзел 4 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Мц. 24:24; 2Пёт. 3:3; 1Ян. 2:18 Дух, вось, адкрыта кажа, што ў апошнія часы некаторыя адступяцца ад веры і прыхіляцца да духаў спакусы і да навук дэманавых,

2 Мц. 7:15; Эф. 4:19; 2Цім. 3:5 крывадушна падманваючых і са спаленым сумленнем сваім,

3 Клс. 2:23 забараняючых жаніцца, ужываць у ежу стравы, якія стварыў Бог і даў тым, што пазналі праўду, каб дзякавалі Богу.

4Бо любое стварэнне Бога добрае, і нічога не трэба адкідаць, што з падзякаю прымаецца;

5бо ўсвячаецца яно праз слова Божае і малітву.

6 2Цім. 3:14 Выясняючы гэта братам, будзеш добрым паслугачом Хрыста Ісуса ў словах веры і добрай навукі, якой ты заўсёды трымаўся.

7 2Цім. 2:16; Ціт. 1:14; Геб. 5:14 Недарэчных і бабскіх плётак высцерагайся. Практыкуй сябе ў пабожнасці.

8 Мц. 6:33 Бо цялесныя практыкаванні мала карысныя, пабожнасць жа да ўсяго прыдатная, маючы абяцанне жыцця цяперашняга і будучага.

9Праўдзівае гэтае слова і вартае ўсякай увагі.

10 1Цім. 6:17; Ціт. 2:10 Бо дзеля гэтага мы працуем і ганьбаванне церпім, што спадзяёмся на Бога жывога, Які ёсць Збаўца ўсіх людзей, а ў першую чаргу верных.

11Загадвай гэта і вучы.

12 2Кар. 6:6; Ціт. 2:7; 1Пёт. 5:3 Няхай ніхто не пагарджае тваёй маладосцю, але будзь прыкладам верным у слове, у паводзінах, у любові, у духу, у веры, у чысціні.

13 1Тэс. 5:27 Пакуль прыбуду, займіся чытаннем, суцяшэннем, навукаю.

14 Дзеі 6:6; 2Цім. 1:6 Не занядбай даравання, якое ў табе, якое дадзена табе праз прароцтва з ускладаннем рук старэйшых.

15Аб гэтым думай, будзь у гэтым, каб поспех твой усім быў бачны.

16 Дзеі 20:28; 2Цім. 3:14 5 Углядайся ў сябе і тое, чаму навучаеш, трывай у гэтым; бо, так робячы, і сябе збавіш, і тых, каторыя слухаюць цябе.