1 Пс. 96:7-9 Давідаў.
Прыносьце Госпаду, сыны Божыя, прыносьце Госпаду хвалу і магутнасць.
2Прыносьце Госпаду хвалу імя Яго, услаўляйце Госпада ў святым ззянні.
3 2Сам. 22:14 Голас Госпада над водамі, загрымеў Бог велічы: Госпад над бязмежнымі водамі.
4Голас Госпада магутны! Голас Госпада велічны.
5Голас Госпада, Які ламае кедры; і паламае Госпад кедры Лібана,
6змушае скакаць Лібан, нібы цялятка, а Сірыён, нібы маладога адзінарога.
7Голас Госпада, Які выкрасае агністае полымя.
8Голас Госпада, Які трасе пустыню, і патрасе Госпад пустыню Кадэс.
9Голас Госпада, Які хутка дасць абрадзініцца аленіхам і аголіць гушчары, і ў святыні Яго ўсе прамовяць: «Хвала!»
10Госпад трывае па-над патопам, і будзе сядзець Госпад як Валадар вечна.
11Госпад дасць сілу Свайму народу, Госпад дасць дабраславенне народу Свайму ў супакоі.
Who We AreWhat We EelieveWhat We Do
2025 by iamachristian.org,Inc All rights reserved.
