Ліст Якуба Раздзел 3 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Мц. 23:8; Рым. 2:21; 1Цім. 1:7 Хай з вас многія не квапяцца быць настаўнікамі, браты мае, ведаючы, што тым цяжэйшы атрымаем прысуд.

2 Мц. 12:34; Як. 3:2 Бо ўсе мы шмат у чым грашым. Калі хто словам не грашыць, той дасканалы чалавек, які можа таксама ўтаймаваць усё цела сваё.

3Калі акілзваем коней, каб слухаліся нас, то падпарадкоўваем усё іх цела.

4Вось, і караблі, хоць такія вялікія, і магутныя вятры іх носяць, а кіруюцца маленькім стырном туды, куды стырнавы захоча.

5Так і язык, хоць малая частка цела, а шмат робіць. Вось, малы агеньчык вялікі лес падпальвае.

6 Мц. 12:36 І язык – гэта агонь, асяродак усякай несправядлівасці. Язык так змешчаны паміж нашых членаў, што апаганьвае ўсё цела, ды, сам запалены пякельным агнём, запальвае кола жыцця.

7Бо ўсякая натура звяроў і птушак, гадаў ды марскіх жывёлін утаймоўваецца і ўтаймавана натурай чалавечай.

8Языка ж ніводзін чалавек не можа ўтаймаваць; і гэта – несупыннае ліха, поўнае смертаноснай атруты.

9Ім дабраслаўляем Госпада і Айца ды ім жа праклінаем людзей, якія створаны на падабенства Божае.

10З тых самых вуснаў выходзіць дабраславенне і праклён. Не павінна так быць, браты мае!

11Ці ж з тае самае крыніцы можа выцякаць вада салодкая і горкая?

12 Мц. 7:16; Лк. 6:44 Ці ж можа, браты мае, дрэва фігавае нараджаць аліўкі, або вінаградны куст – фігі? Не можа салёная крыніца даваць салодкую ваду.

13 Мц. 5:16; 2Цім. 2:24 Хто паміж вас мудры і разважлівы? Хай пакажа на справе добрымі паводзінамі і мудрай лагоднасцю.

14Калі ж у сэрцах вашых маеце горкую зайздрасць і сварлівасць, дык не хваліцеся і не хлусіце супраць праўды.

15Гэта не тая мудрасць, што з вышыні сыходзіць, але зямная, душэўная, шатанская.

16 1Кар. 3:3 Бо дзе зайздрасць і сваркі, там бязладдзе ды ўсякая ліхая справа.

17 Мц. 5:7; 1Пёт. 1:22; Рым. 12:9; 2Кар. 6:6 А мудрасць, што з вышыні, перш за ўсё чыстая, пасля мірная, пакорлівая, лагодная, поўная міласэрнасці і добрых пладоў, бесстаронная ды некрывадушная.

18 Гал. 6:8; Плп. 1:11 Плод жа праведнасці засяваецца ў міры тымі, што паводзяць сябе мірна.