1Heyrið þetta orð, Basanskýr á Samaríufjalli,
þér sem kúgið hina umkomulausu, misþyrmið fátækum
og segið við eiginmenn yðar: „Komið með eitthvað að drekka.“
2Drottinn Guð hefur svarið við heilagleika sinn:
Já, takið eftir. Yfir yður koma þeir dagar
að þér verðið teymdar í burtu með kjötkrókum
og þær sem eftir verða með önglum.
3Þér verðið að fara út um veggskörðin, ein og ein, beint af augum.
Síðan verðið þér reknar í átt til Hermonfjalls,
segir Drottinn.
Gegn fánýtri guðsdýrkun4Komið til Betel og syndgið.
Komið til Gilgal og syndgið enn meira.
Færið sláturfórnir yðar að morgni
og tíund yðar á þriðja degi.
5Brennið sýrt brauð í þakkarfórn,
boðið til sjálfviljafórna, hrópið hátt.
Þetta ástundið þér með ánægju, Ísraelsmenn,
segir Drottinn Guð.
Óhlýðni Ísraels og dómur6Ég hélt tönnum yðar hreinum í öllum borgum yðar
og lét brauð skorta í öllum þorpum yðar
en þér sneruð ekki aftur til mín,
segir Drottinn.
7Ég synjaði yður um regn þegar þrír mánuðir voru til uppskeru.
Þá lét ég rigna á eina borg en ekki á aðra,
einn akur var vökvaður regni
en annar, sem ég vökvaði ekki, skrælnaði.
8Fólk eigraði til sömu borgar frá tveimur, þremur öðrum
til að fá vatn að drekka
en fékk ekki nægju sína.
En þér sneruð ekki aftur til mín,
segir Drottinn.
9Ég laust yður með korndrepi og gulnun,
ég lét garða yðar og vínekrur þorna,
engisprettur átu fíkjutré yðar og ólífutré
en þér sneruð ekki aftur til mín,
segir Drottinn.
10Ég sendi drepsótt gegn yður eins og í Egyptalandi,
felldi æskumenn yðar með sverði
og hestar yðar urðu herfang.
Ég lét nályktina í herbúðum yðar leggja fyrir vit yðar
en þér sneruð ekki aftur til mín,
segir Drottinn.
11Ég kollvarpaði öllu yðar á meðal
eins og ég kollvarpaði Sódómu og Gómorru.
Þá urðuð þér eins og raftur úr eldi dreginn
en þér sneruð ekki aftur til mín,
segir Drottinn.
12Þess vegna mun ég fara svona með þig, Ísrael,
og vegna þess að ég ætla að fara svona með þig
skaltu búa þig undir að mæta Guði þínum, Ísrael.
13Sjá, hann mótar fjöllin, hann skapar vindinn,
hann boðar manninum það sem hann hefur í hyggju.
Hann breytir myrkri í morgunroða
og gengur yfir hæðir jarðarinnar,
Drottinn, Guð hersveitanna, er nafn hans.
Who We AreWhat We EelieveWhat We Do
2025 by iamachristian.org,Inc All rights reserved.
