Sálmarnir 123 - Biblían (2007)

1Helgigönguljóð.

Til þín hef ég augu mín,

þú sem situr á himnum.

2Eins og þjónar mæna á hönd húsbænda sinna

og eins og þerna mænir á hönd húsmóður sinnar

horfa augu vor til Drottins, Guðs vors

uns hann líknar oss.

3Líkna oss, Drottinn, líkna oss

því að vér höfum fengið meira en nóg af spotti,

4vér höfum fengið meira en nóg af háði hrokafullra,

af spotti dramblátra.