Salamo 23 - Malagasy Catholic Bible

SALAMO 23 (Volgata 22)Ny mpiandry ondry tsara

1 Salamon’i Davida.

I Iaveh no mpiandry ahy, tsy hanan-java-mahory aho.

2Mampandry ahy eo amin’ny vilona maitso Izy,

mitondra ahy ho eo amoron-drano mampangatsiatsiaka;

3mamelombelona ny fanahiko.

Mitarika ahy amin’ny lala-mahitsy; noho ny Anarany.

4Na mandeha mamaky ny lohasaha aloky ny fahafatesana aza aho,

tsy misy loza atahorako fa Ianao no eo amiko;

ny tsora-kazo aman-tehinao no mahafa-tahotra ahy.

5Mamelatra latabatra eo anoloako, eo imason’ny fahavaloko Ianao,

feno mitafotafo ny kapoakako.

6Eny fahasambarana amam-pahasoavana no homba ahy,

amin’ny andro rehetra hiainako;

dia hitoetra ao an-tranon’i Iaveh aho,

mandritra ny andro lava.