Fa‘aaliga 22 - Revised Samoan Catholic Bible

O le Vaitafe ma le La‘au o le Ola

1‘Ona fa‘aali mai lea e ia ‘iā te a‘u le vaitafe manino o le vai o le ola, e manino e pei o le ma‘a tioata, ‘ua tafe ifo mai le nofoāli‘i o le Atua ma le Tama‘i Mamoe.O le Afio mai o Iesu

6‘Ona fai mai lea o ia ‘iā te a‘u, “O ‘upu e fa‘amaoni ia ma le moni; o le Ali‘i fo‘i le Atua o le ‘au perofeta pa‘ia ‘ua ‘auina mai e ia lana agelu e fa‘ailoa mai i ana ‘au‘auna mea e tusa ‘ona vave o‘o mai.”

7“Fa‘auta, ‘ou te vave alu atu; ‘amu‘ia lē tausi i ‘upu o le valo‘aga o lenei tusi.”

8O a‘u fo‘i o Ioane, na ‘ou va‘ai ma ‘ou fa‘alogo i nā mea; ‘ua ‘ou fa‘alogo ma ‘ou va‘ai ‘ona a‘u fa‘apa‘ū lea e ifo atu i vae o le agelu na na fa‘aali mai ‘iā te a‘u ia mea.

9A ‘ua fai mai o ia ‘iā te a‘u, “‘Ia oe, ‘aua lava; auā o a‘u o lou uso a ‘au‘auna, ma o le ‘au perofeta ou uso, o le latou fo‘i o ē tausi i ‘upu o lenei tusi; ‘ia e ifo i le Atua.”

10‘Ua fai mai fo‘i o ia ‘iā te a‘u, “‘Aua ‘e te fa‘amaufa‘ailogaina ‘upu o le valo‘aga o lenei tusi; auā ‘ua latalata ona aso.

11O lē amioletonu ‘ia amioletonu pea o ia, o lē ‘ele‘elea ‘ia ‘ele‘elea pea o ia, o lē amiotonu ‘ia amiotonu pea o ia, o lē pa‘ia ‘ia pa‘ia pea o ia.”

12“Fa‘auta fo‘i, ‘ou te vave alu atu; ‘ua ‘iā te a‘u fo‘i le taui ‘ou te taui ta‘itasi atu ‘ia tusa ma lana amio ‘ua fai.

14‘Amu‘ia i latou o ē ta o latou ‘ofu, ‘ina ‘ia taga ‘iā i latou le la‘au o le ola, ma ‘ia latou ulu atu i le ‘a‘ai i ona faitoto‘a.

17‘Ua fetalai mai le Agaga ma le fa‘ato‘ānofotane, “‘Inā sau ia.”

‘Inā fai atu fo‘i ia o lē fa‘alogo, “‘Inā sau ia.”

O lē fia inu, ‘inā sau ia, ‘atoa ma lē mana‘o i ai, ‘inā ‘ave fua ia le vai o le ola.

O le ‘Upu Mulimuli

18Auā ‘ou te ta‘utino atu ‘iā i latou uma o ē fa‘alogo i ‘upu o le valo‘aga o lenei tusi, ‘Ai se tasi e fa‘aopoopo mai se ‘upu i nei ‘upu, e fa‘aopoopoina atu e le Atua ‘iā te ia o mala ‘ua tusia i lenei tusi.

20‘Ua fai mai lē molimau i nei mea, “E moni, ‘ou te vave alu atu.” Amene.

O lea lava le Ali‘i e Iesu, ‘ia e afio mai.

21‘Ia ‘iā te ‘outou uma le alofa tunoa o lo tatou Ali‘i o Iesu Keriso. Amene.