1O lo‘o fa‘apea ‘ona fetalai mai o le ALI‘I: ‘Ia ‘outou tausia le fa‘amasinoga ma ‘outou faia le amiotonu; auā ‘ua latalata ‘ona o‘o mai o la‘u fa‘aolataga ma le fa‘aaliga o le amiotonu mai ‘iā te a‘u.
3‘Aua fo‘i ne‘i fai ane le tagata ‘ese, lē ‘ua fa‘atasi mai i le ALI‘I, e fa‘apea mai, “‘Ua matuā fa‘ate‘a‘eseina a‘u e le ALI‘I i lona nu‘u;”
‘Aua le fai ane fo‘i le eunuka, “Fa‘auta, o a‘u o le la‘au popo.”
6O tagata ‘ese fo‘i o ē fa‘atasi mai i le ALI‘I, ē o ‘au‘auna ‘iā te ia ma alolofa i le suafa o le ALI‘I, e fai māna ‘au‘auna, o i latou uma o ē tausi i le sapati ‘ae lē soli i ai ma latou tāofi mau i la‘u feagaiga.
7‘Ou te ‘aumaia i latou lava i lo‘u mauga pa‘ia, ma a‘u fa‘afiafia ‘iā te i latou i lo‘u fale tatalo; o a latou taulaga mū ma a latou taulaga e talia ia i lo‘u fatafaitaulaga; auā e ta‘ua lo‘u fale o le fale tatalo mo nu‘u uma.
8‘Ua fetalai mai le Ali‘i le ATUA, o lē na te fa‘apotopotoina ē ‘ua tulia o Isaraelu, ‘Ou te toe fa‘apotopotoina mai nisi ‘iā te ia, e fa‘aopoopo i ē ‘ua uma ‘ona fa‘apotopotoina ‘iā te ia.O le ‘Inosia o Ta‘ita‘i a Isaraelu
9O ‘outou manu uma o le vao e, ō mai, ‘inā ‘a‘ai, o ‘outou manu uma o le vao matua.
10O ona tagata va‘ai, ‘ua tauaso i latou; o i latou uma latou te lē iloa se mea; o ulī gūgū i latou uma, latou te lē lavā ōu, o ē fai miti, o ē ta‘o‘oto, o fia momoe i latou.
Who We AreWhat We EelieveWhat We Do
2025 by iamachristian.org,Inc All rights reserved.
