Sakaria 12 - Revised Samoan Catholic Bible

O le Toe ‘ainā o Ierusalema. O le salamō o le Nu‘u

1O le avega o le afioga a le ALI‘I ‘iā Isaraelu; o lo‘o fetalai mai le ALI‘I le ‘ua fa‘amafolafola le lagi, ma fa‘avaeina le lalolagi, na ia faia fo‘i le agaga o le tagata i totonu ‘iā te ia:

7E fa‘aolaina fo‘i e le ALI‘I o fale ‘ie o Iuta, e muamua lava, ‘ina ‘ia lē fa‘asilisili le vi‘iga o le ‘āiga o Tavita, ma le vi‘iga o ē nonofo i Ierusalema ‘iā Iuta.

8O lea aso e fa‘amamalu mai ai le ALI‘I i ē o nonofo i Ierusalema; o so latou ‘ua vaivai i lea aso e pei o Tavita ia; o le ‘āiga o Tavita, e pei o le Atua ia, e pei o le agelu a le ALI‘I i o latou luma.2 Samu 19.27; Isai 60.22

9O lea aso fo‘i ‘ou te sā‘ili ai ‘ia fa‘aumatia nu‘u uma lava o ē ō mai e tau ma Ierusalema.

10‘Ou te liligi ifo i luga o le ‘āiga o Tavita ma luga o ē nonofo i Ierusalema le agaga o le alofa tunoa ma talosaga, latou te va‘ava‘ai mai ‘iā te a‘u ma latou tu‘ia; latou te tagitu‘i fo‘i ‘iā te ia, e pei ‘ona tagitu‘i i le atali‘i e to‘atasi ma latou fa‘anoanoa ‘iā te ia, e pei ‘ona fa‘anoanoa i le ulumatua.Ioane 19.37; Fa‘aa 1.7 Mata 24.30; Fa‘aa 1.7

11O lea aso e tele ai le taufaitagitu‘i i Ierusalema, o ē pei o le tagitu‘i i Atatarimoni i le vanu o Mekito.

12E taufaitagitu‘i le nu‘u e tagi a ‘āiga; o le ‘āiga o sa Tavitā, na o i latou ma a latou avā, ‘ua na o i latou o le ‘āiga o sa Natanā, na o i latou ma a latou avā, na o i latou.2 Samu 5.14; Saka 7.3; Luka 3.31

13O le ‘āiga o sa Levī, ‘ua na o i latou ma a latou avā, na o i latou; o le ‘āiga o Semi, na o i latou ma a latou avā, na o latou.Nume 3.18

14O ‘āiga uma o ē totoe, o ‘āiga ta‘itasi na o i latou ma a latou avā na o i latou.