Eperu 7 - Revised Samoan Catholic Bible

O le Faiva o le Ositaulaga e Uiga Fa‘atasi ma Mekisateko

1Auā o lenei “Mekisateko, o le tupu o Salema, o le ositaulaga a le Atua silisili ‘ese, o lē na fetaia‘i ma Aperaamo ‘ina o fo‘i mai o ia mai le fasiga o tupu, ma na fa‘amanuia atu ‘iā te ia;”

4O lenei, ‘inā mānatunatu ia i le sili o lenā ali‘i, sa foa‘iina atu ‘iā te ia e lea tupuga o Aperaamo o mea e sefulua‘i mea na faoa.

5O i latou fo‘i o le fānauga a Levi, o ē ‘ua fai le faiva o ositaulaga, ‘ua poloa‘iina i latou i le tulafono ‘ia fai mā latou mea e sefulua‘i mea a le nu‘u, o latou uso lava ia, a o i latou fo‘i na tutupu mai le tino o Aperaamo.O le Isi Ositaulaga e Uiga Fa‘atasi ma Mekisateko

15‘Ua atili ai fo‘i ‘ona iloa tino, pe ‘āfai ‘ua fa‘atūina le tasi ositaulaga pei o Mekisateko.

16E lē o se tulafono o se poloa‘iga fa‘aletino ‘ua fai ai o ia, a o le mana o le ola e le uma.

17Auā o lo‘o molimau mai o ia, “O le ositaulaga oe e fa‘avavau, e uiga fa‘atasi ma Mekisateko.”

“‘Ua tautō le Ali‘i;

e lē salamō ai lava ia.

‘O le ositaulaga oe e fa‘avavau.’”

22O fa‘apea fo‘i ‘ona faia o Iesu na fa‘amaoniga o le feagaiga e sili ‘ona lelei.

23E to‘atele fo‘i i latou sa fai ma ositaulaga, auā na lē mafai ‘ona tumau o i latou ‘ona o le oti.

24Peita‘i o ia ‘ua tumau e fa‘avavau, o le mea lea ‘ua i ai ‘iā te ia le faiva o ositaulaga e tumau pea.

25O le mea fo‘i lea e mafai ai ‘iā te ia ‘ona fa‘aola pea lava, i ē fa‘alatalata atu i le Atua ‘ona o ia, auā o lo‘o soifua pea ia e fautua mo i latou.

26Auā e tatau ‘ona ‘ia ‘iā i tatou o se ositaulaga sili fa‘apenā, e pa‘ia, e leai sona leaga, e lē ponā, e taumamao ma ē agasala, e silisili fo‘i ia i luga o lagi.

27E lē aogā ‘iā te ia i aso fai so‘o, pei o ia ositaulaga, e muamua ‘ona fai o taulaga mo ana lava agasala, ‘ona fai ai lea mo agasala a le nu‘u; auā ‘ua atu tasi lava ‘ona faia e ia o lea mea ‘ina ‘ua avatua o ia e ia ma taulaga.Levi 9.7; 16.6, 15

28Auā o le tulafono e fa‘atūina ai tagata o i ai le vaivai, e fai ma ositaulaga sili; a o le ‘upu o le tautō na mulimuli i le tulafono, ‘ua fa‘atūina ai le Alo ‘ua fa‘a‘ato‘atoaina e fa‘avavau.