Esekielu 41 - Revised Samoan Catholic Bible

O Fua ma Sauniga ‘Ese‘ese o le Malumalu

1‘Ona ‘aumaia lea o a‘u e ia i le malumalu ma ia fuatia pou, e ono kupita o lona lautele i le tasi itū, e ono fo‘i kupita o lona lautele i le isi itū, o le lautele lea o le fale fetāfa‘i.

2O le lautele fo‘i o le faitoto‘a e sefulu ona kupita; o ona itū fo‘i o le faitoto‘a e lima kupita i le tasi itū, e lima fo‘i kupita i le isi itū; ‘ua ia fuatia fo‘i le umi o le malumalu, e fagafulu o kupita ma lona lautele e lua sefulu o kupita.

3‘Ona alu ane lea o ia i totonu, ‘ua ia fuatia le pou o le faitoto‘a, e lua ona kupita ma le faitoto‘a fo‘i e ono ona kupita ma le lautele o le faitoto‘a e fitu ona kupita.

4‘Ua ia fuatia fo‘i lona umi e lua sefulu ona kupita, ma le lautele e lua sefulu ona kupita, i luma o le malumalu; ‘ua ia fai mai fo‘i ‘iā te a‘u, O le mea e sili ‘ona pa‘ia lenei.O Potu e Fa‘asaga i le pā o le Malumalu

5‘Ona ia fuatia lea o le pā o le fale, e ono ona kupita ma le lautele o potu i itū, e fa ona kupita, ‘ua so‘o ai le fale i itū uma.

13‘Ua ia fuatia lava le fale, e selau kupita, o lona umi lea; o le mea na vavae‘eseina fo‘i ma le fale ‘atoa ma ona pā, e selau kupita, o lona umi lea.

14O le lautele fo‘i o lona lumāfale ma le mea na vavaeina i le itū i sasa‘e, e selau ona kupita.

15‘Ua ia fuatia fo‘i le umi o le fale i luma o le mea na vavaeina, o lē i ona tua ma fogāfale i le tasi itū ma le tasi itū, e selau ona kupita, o le malumalu tuloto fo‘i ma fa‘apaologa o le lotoā.

16O faitoto‘a fo‘i ma fa‘amalama puipuia ma fogāfale e so‘o ai o latou pae fale e tolu, e feagai ma le faitoto‘a, na tapapa i laupapa, na so‘o ai, na āfua mai i lalo e o‘o a‘e i fa‘amalama, na tapapa fo‘i fa‘amalama.O Faitoto‘a

23Sa i ai puipui e lua i le malumalu ma le mea pa‘ia.

24Sa ta‘ilua fo‘i puipui i faitoto‘a, o puipui feagai; e lua puipui mo le tasi faitoto‘a, e lua fo‘i mo le isi.

25Na fai fo‘i i puipui o le malumalu o kerupi ma pama, e pei ‘ona faia i pā; na i ai fo‘i laupapa mafiafia i luma o le fa‘apaologa i fafo.