Ieremia 40 - Revised Samoan Catholic Bible

‘Ua Alu Ieremia ‘iā Ketalia

1O le afioga na o‘o mai ‘iā Ieremia mai le ALI‘I, ‘ina ‘ua mavae ‘ona tu‘uina atu o ia mai Rama e Nepusatana lē pule i le ‘au e fa‘afeao, ‘ina o maua o ia e ia, a o fusifusia o ia i maea u‘amea fa‘atasi ma le tāfeaga uma a Ierusalema ma Iuta ē na tāfea i Papelonia.

2‘Ona ‘ave ai lea e lē pule i le ‘au e fa‘afeao ‘iā Ieremia ma ‘ua fa‘apea mai ‘iā te ia, “O le ALI‘I, lou Atua, na fetalai mai lenei malaia i lenei mea.O Ketalia o lē ‘ua Pule i Iuta(2 Tu 25.22-24)

7O ali‘i uma na ‘ave ‘au o ē sa i le vao, o i latou ma o latou tagata, ‘ua fa‘alogo i latou ‘ua tofia e le tupu o Papelonia o Ketalia le atali‘i o Aikamo e pule i le nu‘u, ‘ua na tofia fo‘i o ia e pule i tane ma fafine, ma tamaiti, o isi fo‘i o ē matitiva o le nu‘u, o i latou na lē tāfea i Papelonia;O le Fasiotiga o Ketalia(2 Tu 25.25-26)

13O Ioanana fo‘i le atali‘i o Karea ma ali‘i uma na ‘ave ‘au, sa i le vao, ‘ua latou ō mai ‘iā Ketalia i Mesepa;Iere 41.11; 42.1-2

14‘ona latou fai mai lea ‘iā te ia, “‘Ua e silafia lava ‘ea ‘ua ‘auina mai e Paaliso le tupu o le fānauga a Amoni, o Isamaeli le atali‘i o Netanaia e fasioti ‘iā te oe?” ‘Ae le‘i talia la latou tala e Ketalia le atali‘i o Aikamo.Iere 41.10

15‘Ona fai fa‘alilolilo mai ai lea o Ioanana le atali‘i o Karea ‘iā Ketalia i Mesepa, ‘ua fa‘apea mai, “Se‘i ‘ou alu ma ‘ou fasi ‘iā Isamaeli le atali‘i o Netanaia, e lē iloa fo‘i e se tasi; se a ‘ea le mea na te fasioti ai ‘iā te oe, e fa‘ata‘ape‘apeina ai Iuta uma ‘ua fa‘apotopotoina ‘iā te oe, e fa‘aumatia fo‘i o Iuta ‘ua totoe?”

16‘Ona fai atu ai lea o Ketalia le atali‘i o Aikamo ‘iā Ioanana le atali‘i o Karea, “‘Aua ‘e te fai lenā mea; auā o le mea pepelo ‘ua e fai mai ai ‘iā Isamaeli.”