Fa‘aaliga Fa‘atomuaga - Revised Samoan Catholic Bible

Fa‘atomuagaO le Fa‘aaliga ‘iā Ioane sa tusia i le vaitaimi o puapuagā ma le sauāga o tagata lotu Kerisiano, ‘ona o lo latou fa‘atuatua ‘iā Iesu Keriso. Sa taumafai lenei tusi tala e fesoasoani atu i tagata Kerisiano, ‘ina ‘ia tumau pea i le fa‘atuatua ma le fa‘alagolago i le Ali‘i Iesu, e ui i le tele o sauāga ma puapuagā.O le tele o se vaega o lenei tusi e talanoa ai le tusi tala i fa‘ailoga po o gagana fa‘atusa ‘ua matuā malamalama lelei i ai tagata Kerisiano o lea vaitau ‘ae o le to‘atele fo‘i o isi sa lē malamalama i ai. Sa fautuaina fo‘i e le tusi tala a le mana‘omia o le poto ‘ina ‘ia manino lelei a fa‘ailoga ma le gagana o lo‘o ia fa‘aaogāina (3.18). E tele lava manatu i le taumafai e fa‘aliliuina lenei tusi ‘ina ‘ia tusa ma le manatu ‘autū sa tusia ai e le tusi tala. ‘Ae peita‘i ‘ua manino mai lava o le (1) fa‘amalosi‘au i tagata fa‘atuatua ‘ia lava pea le ‘onosa‘i ma talia puapuagā ‘ona o Keriso, (2) o Iesu Keriso le Ali‘i e fa‘ato‘ilaloina ai e le Atua o ona fili uma e aofia ai ma Satani. ‘Iā Keriso fo‘i o le a fa‘apaleina ai e le Atua ana tagata fa‘atuatua i le lagi fou ma le ola toetū.O le to‘atele o tagata popoto i le ‘upu a le Atua, o le tusi lenei sa tusia i le tausaga 90, i le vaitaimi lava o le Ali‘i (Anno Domini)O le Fa‘asologa o Matā‘upu:O le Fa‘atomuaga 1.1-8O tusi i Ekalesia e fitu 1.9—3.22O fa‘amaufa‘ailoga e fitu 4.1—8.1O pū e fitu 8.2—11.19O le tarako ma manu fe‘ai e lua 12.1—13.18O isi fa‘aaliga 14.1—15.8O ipu e fitu o le to‘asā o le Atua 16.1-21O le fa‘atafunaina o Ierusalema ma le fa‘ato‘ilaloina o le manu fe‘ai ma le ‘au perofeta pepelo 17.1—20.10O le fa‘amasinoga mulimuli 20.11-15O le lagi fou ma le lalolagi fou 21.1—22.5O le ‘upu fa‘ai‘u ma le afio mai o Iesu 22.6-21