Esekielu 40 - Revised Samoan Catholic Bible

O le Fa‘aaliga o le Malumalu Fou(40.1—48.5)‘Ua ‘Aveina Esekielu i Ierusalema

1O lona lua o sefulu ma le lima o tausaga o la matou tāfeaga, o le amataga o le tausaga, o le aso e sefulu o le masina, o le tausaga e sefulu ma le fa talu ona malaia o le ‘a‘ai, o lenā lava aso, na i ai le ‘a‘ao o le ALI‘I i luga ‘iā te a‘u, ma na ‘aveina atu i ai o a‘u.

2O fa‘aaliga mai le Atua na ia ‘aveina ai a‘u i le nu‘u o Isaraelu ma tu‘uina ai a‘u i luga o le mauga maualuga lava, o i ai i le itū i saute se fale e peiseaī se ‘a‘ai.

4‘Ua fai mai fo‘i le tagata ‘iā te a‘u, “Le atali‘i e o le tagata, ‘ia va‘ava‘ai ou mata ma ia fa‘alogologo ou taliga, ‘ia e tu‘u fo‘i i lou loto o mea uma ‘ou te fa‘aali atu ai ‘iā te oe auā ‘ua ‘aumaia oe ‘i‘inei ‘ina ‘ia ‘ou fa‘aali atu ai ‘iā te oe; ‘ia e ta‘u atu i le ‘āiga o Isaraelu o mea uma ‘e te iloa.”

O le Faitoto‘a i Sasa‘e

5Fa‘auta fo‘i, o le pā ‘ua so‘o ai le fale i fafo, o i ai fo‘i i le lima o le tagata le u e fua a‘i, e ono kupita lona umi, o kupita e i ai le kupita ma le alofilima; ‘ua ia fua le lautele o le pā e tasi le u, ma lona maualuga e tasi le u.

11‘Ua ia fuatia le lautele o le puipui e sefulu ona kupita; o lona umi fo‘i o le puipui e sefulu ma le tolu ona kupita.

12Sa i ai fo‘i le mea avanoa i luma o potu i itū ta‘itasi e tasi lona kupita; o potu fo‘i ta‘iono kupita i lea itū ma lea itū.

13‘Ona fuatia lea e ia le puipui mai le falealuga o le tasi potu e o‘o i le falealuga o le tasi; o lona lautele e lua sefulu ma le lima o kupita ia; ‘ua fa‘afesaga‘i faitoto‘a.

14‘Ua ia fai fo‘i pou e onogafulu o kupita; ‘ua o‘o fo‘i i le pou o le lotoā o le puipui e so‘o ai.

15E āfua mai fo‘i i luma o le puipui e ulu atu ai e o‘o i luma o le fa‘apaologa o le puipui i totonu, e lima sefulu o ona kupita.

16Na i ai fo‘i o fa‘amalama puipuia i potu, sa i ai fo‘i i pou i totonu o le puipui ‘ua so‘o ai, ‘ua fa‘apea fo‘i ma fa‘apaologa; na i ai fa‘amalama ‘ua so‘o ai i totonu; na i ai fo‘i pama i pou.O le Lotoā

17‘Ua ia ‘aumai fo‘i ‘iā te a‘u i le lotoā aupito i tua, fa‘auta fo‘i, o potu ma le paepae ‘ua faia mo le lotoā ‘ia so‘o ai; e tolu sefulu o potu na i le paepae.

18O le paepae fo‘i i tafatafa o puipui na feagai ma le umi o puipui, o le paepae aupitoalalo lea.

19‘Ona fuatia lea e ia o le lautele, o āfua mai i luma o le puipui aupitoalalo e o‘o i ona luma o le lotoā tuloto i ona tua mai, e selau ona kupita i sasa‘e ‘atoa fo‘i ma le itū i matū.

O le Faitoto‘a i le Itū i Matū

20‘Ua ia fuatia fo‘i le umi ma le lautele o le puipui o le lotoā aupito i tua, o lē fa‘asaga i le itū i matū.O Totonu o le Lotoā i le Itū i Saute

28‘Ua ia ‘aumai fo‘i ‘iā te a‘u i le lotoā tuloto o le puipui i le itū i saute; ‘ua ia fuatia fo‘i le puipui i le itū i saute e tusa ma ia fua;

29o ona potu fo‘i ma ona pou ma ona fa‘apaologa, sa tutusa ma ia fua; o fa‘amalama fo‘i sa i ai ‘atoa ma ona fa‘apaologa e so‘o ai; e lima sefulu o kupita, o lona umi lea, e lua sefulu ma le lima o kupita o lona lautele lea.O Potu e tu lata i le Faitoto‘a i le Itū i Matū

38O potu ma o latou ala, sa i tafatafa o pou ia o faitoto‘a, na latou mulumulu ai le taulaga mū.

39Na i ai fo‘i i le fa‘apaologa o le puipui o laulau e lua i le tasi itū, ma laulau e lua i le isi itū e fasi ai le taulaga mū ma le taulaga mo le agasala ma le taulaga mo le sesē.O Totonu o le Lotoā ma le Malumalu

47Na ia fuatia le lotoā, o lona umi e selau kupita, e selau kupita fo‘i o lona lautele lea, na gatasitasi ona itū e fa; o le fatafaitaulaga fo‘i na i lumāfale.