Eperu 13 - Revised Samoan Catholic Bible

O Apoapoa‘iga i Mea ‘Ese‘ese

1‘Ia tumau le fealofani o le ‘au uso.

2‘Aua le galo le alofa i tagata ‘ese; auā o lea ‘ua talia ai e isi o agelu ma le lē iloa.

5‘Ia aunoa a ‘outou amio ma le matape‘ape‘a; ‘ia gata ‘iā o ‘outou mana‘o i mea ‘ua ‘iā te ‘outou; auā ‘ua fetalai mai o ia, “‘Ou te lē tu‘ua lava oe, ‘ou te lē tu‘ulafoa‘i lava ‘iā te oe.”

“O le Ali‘i o lo‘u fesoasoani ia,

‘ou te lē fefe lava,

i se mea e faia e tagata ‘iā te a‘u.”

7‘Ia ‘outou manatua o ‘outou ta‘ita‘i, o ē ‘ua folafola atu le afioga a le Atua ‘iā te ‘outou; ‘ia ‘outou fa‘aa‘oa‘o i lo latou fa‘atuatua, ma ‘ia mafaufau i le i‘uga o a latou amio.

8O Iesu Keriso e lē liu lava ia, o ananafi, ma le asō, e o‘o fo‘i i le fa‘avavau.

18‘Ia ‘outou tatalo mo i matou; auā o lo‘o tāofi i matou ‘ua ‘iā te i matou le loto fuatia ifo lelei, o lo‘o loto i matou e amio lelei i mea uma lava.

19‘Ua atili lo‘u ‘ai‘oi atu ‘iā te ‘outou e fai lenā mea, ‘ina ‘ia vave ‘ona toe tu‘uina atu ai o a‘u ‘iā te ‘outou.

O le Tatalo Fa‘ai‘u

20A o le Atua e ona le manuia, o lē na toe fa‘atūina mai nai ē ‘ua oti le Leoleo mamoe sili, o lo tatou Ali‘i o Iesu, ‘ona o le toto o le feagaiga fa‘avavau. Isai 63.11; 55.3; Saka 9.11; Iere 32.40; Eseki 37.26; Ioane 10.12; 1 Pete 2.25

21‘Ia fa‘a‘ato‘atoaina ‘outou e ia i galuega lelei uma lava, ‘ina ‘ia ‘outou faia lona finagalo, ‘ia galue o ia i totonu ‘iā te ‘outou le mea e mālie i ona luma, ‘ona o Iesu Keriso; ‘ia ‘iā te ia le vi‘iga e fa‘avavau fa‘avavau lava. Amene.

O le ‘Upu Mulimuli

22Le ‘au uso e, ‘ou te ‘ai‘oi atu ‘iā te ‘outou, ‘ia ‘outou talia lenei ‘upu apoapoa‘i; auā fo‘i ‘ua ‘ou tusi fa‘asa‘asa‘a atu ‘iā te ‘outou.Iako 1.21

23‘Ia ‘outou iloa ‘ua tu‘uina atu lo tatou uso o Timoteo, ‘āfai e vave sau ia, ma te asiasi atu ‘iā te ‘outou ma ia.

24‘Ua ‘ou alofa atu i o ‘outou ta‘ita‘i uma, ‘atoa ma le ‘au pa‘ia uma lava. O lo‘o alolofa atu i latou o i Italia ‘iā te ‘outou.

25‘Ia ‘iā te ‘outou uma le alofa tunoa. Amene.