Ioane 3 - Revised Samoan Catholic Bible

O Iesu ma Nikotemo

1O le tasi tagata o lo le ‘au faresaio, o Nikotemo lona igoa, o le tasi lea faipule o Iutaia;

2‘ua alu ane o ia ‘iā Iesu i le pō, ‘ua fai mai ‘iā te ia, “Rapi ‘ua matou iloa o oe o le a‘oa‘o ‘ua maliu mai mai le Atua; auā e lē mafai e se tasi ‘ona fai o ia fa‘ailoga ‘e te faia, pe ‘āfai e lē ‘iā te ia le Atua.”

3‘Ua tali atu Iesu, ‘ua fa‘apea atu ‘iā te ia, “E moni, e moni, ‘ou te fai atu ‘iā te oe, a lē toe fānau le tagata, e lē mafai ‘ona iloa e ia le mālō o le Atua.”

4‘Ua fai mai Nikotemo ‘iā te ia, “E mafai ‘ea fa‘apefea ‘ona fānau o le tagata ‘ua toeaina? E mafai ‘ea ‘ona toe ofi i le manava o lona tinā, ma toe fānau mai ai?”

5‘Ua tali atu Iesu, “E moni, e moni, ‘ou te fai atu ‘iā te oe, ‘āfai e lē fānau se tasi i le vai ma le Agaga, e lē mafai ‘ona sao o ia i le mālō o le Atua. i le mea e loto i ai o ia, ‘e te fa‘alogo fo‘i i lona agi, a ‘e te lē iloa le mea na sau ai, ma le mea e alu atu i ai; e fa‘apea i latou uma o ē ‘ua fānau mai i le Agaga.”

9‘Ua tali mai Nikotemo, ‘ua fa‘apea mai ‘iā te ia, “E mafai fa‘apefea o ia mea ‘ona fai?”

10‘Ona tali atu lea o Iesu, ‘ua fa‘apea atu ‘iā te ia, “O oe o le a‘oa‘o o Isaraelu, a ‘e te le‘i iloa ‘ea nei mea?

11“E moni, e moni ‘ou te fai atu ‘iā te oe, matou te tautala i mea ‘ua matou iloa, matou te molimau fo‘i i mea ‘ua matou va‘ava‘ai i ai; ‘ae lē talia mai e ‘outou la matou mau.

17“Auā e le‘i ‘auina mai e le Atua lona Atali‘i i le lalolagi ‘ina ‘ia fa‘asala i le lalolagi, a ‘ia fa‘aolaina le lalolagi ‘iā te ia.

25‘Ona fefinaua‘i lea o isi so‘o o Ioane ma Iutaia i le fa‘amamāina.

26‘Ua latou ō mai ‘iā Ioane, ma fai mai ‘iā te ia, “Rapi e, o lē sa ‘oulua i ai ma ia i tala atu o Ioritana, na e molimau i ai, fa‘auta, o lo‘o papatiso o ia, ‘ua ō atu fo‘i ‘iā te ia tagata uma lava.”

27‘Ona tali atu lea o Ioane, ‘ua fa‘apea atu, “E lē mafai ‘ona maua e se tagata se mea pe ‘āfai e lē foa‘iina mai ‘iā te ia mai le lagi.

28O ‘outou lava o a‘u molimau na ‘ou fai atu, ‘E lē o a‘u o le Keriso, a ‘ua ‘auina mai lava a‘u e muamua ‘iā te ia.’O lē e Maliu mai mai le Lagi

31O lē maliu mai mai lugā, e sili o ia i mea uma. O lē mai le lalolagi, o lo le lalolagi lava o ia, e tautala fo‘i o ia i la le lalolagi; a o lē maliu mai mai le lagi, e sili o ia i mea uma lava.Ioane 8.23

32O mea fo‘i ‘ua na silafia ma fa‘afofoga i ai, o lo‘o molimau o ia i ia lava mea; e leai fo‘i se tasi e talia lana mau.

33O lē talia lana mau ‘ua nā fa‘ailoa lana tāofi, e fa‘amaoni lava le Atua.

34Auā o lē ‘ua ‘auina mai e le Atua, ‘ua fetalai lava o ia i le afioga a le Atua; auā e lē foa‘i fa‘atatauina le Agaga e le Atua.

35E alofa le Tamā i le Alo, ‘ua tu‘u mai fo‘i mea uma i lona ‘a‘ao.Mata 11.27; Luka 10.22

36O lē fa‘atuatua i le Alo, ‘ua ‘iā te ia le ola e fa‘avavau; a o lē lē fa‘atuatua i le Alo e lē iloa e ia le ola, a o le to‘asā o le Atua o lo‘o tumau lava i ona luga.