1‘Ua mavae aso e tele, ‘ona o‘o mai ai lea o le afioga a le ALI‘I ‘iā Elia i le tolu o tausaga, ‘ua fa‘apea mai, “‘Inā alu ia oe ma fa‘aali oe ‘iā Aapo, ‘ou te fa‘atotōina fo‘i le timu i le lau‘ele‘ele.”
16‘Ona alu ai lea o Opetaia e fa‘afetaia‘i ‘iā Aapo, ma ta‘u atu ai ‘iā te ia; ‘ona sau ai lea o Aapo e fa‘afetaia‘i ‘iā Elia.
17‘Ua iloa atu e Aapo ‘iā Elia, ‘ona fai atu lea o Aapo ‘iā te ia, “O oe ‘ea o lē fa‘atigā ‘iā Isaraelu?”
18‘Ona tali mai lea o ia, “E lē o a‘u lē fa‘atigā ‘iā Isaraelu, a o oe ma le ‘āiga o lou tamā; auā ‘ua ‘outou tu‘ua o poloa‘iga a le ALI‘I ma ‘outou mulimuli atu ‘iā Paala.O le Manumālō o Elia i Perofeta a Paala
20‘Ona fe‘auina atu lea e Aapo i le fānauga uma a Isaraelu, ‘ua ia fa‘apotopoto fo‘i le ‘au perofeta i le mauga o Karamelu.
21‘Ona fa‘alatalata atu lea o Elia i le nu‘u uma, ‘ua fa‘apea atu, “Pe tou te fa‘alētonu i manatu e lua se‘ia afea? ‘Āfai o le ALI‘I o le Atua ia, ‘ia ‘outou mulimuli atu ‘iā te ia; ‘ae ‘āfai o Paala, ‘ia ‘outou mulimuli atu ‘iā te ia.” ‘Ae le tali mai le nu‘u ‘iā te ia i se ‘upu.
30‘Ona fai atu lea o Elia i le nu‘u uma, “‘Inā fa‘alatalata mai ia ‘iā te a‘u.” ‘Ona fa‘alatalata atu lea o le nu‘u uma ‘iā te ia, ‘ona toe teu lea e ia o le fatafaitaulaga o le ALI‘I sa sōloia i lalo.‘Ua Totō Timuga
41‘Ona fai atu lea o Elia ‘iā Aapo, “‘Inā maliu a‘e ia oe, ‘ia e taumafa ma inu; auā o le ta‘alili o le timu tele.”
42‘Ona alu a‘e ai lea o Aapo e ‘ai ma inu; ‘ua alu a‘e fo‘i Elia i le tumutumu o Karamelu, ‘ua ia ifo ai i le ‘ele‘ele ma tu‘u ona mata i le vā o ona tulivae.
45O lo‘o fai fo‘i ia mea, ‘ua fa‘amalumalu ifo le lagi i ao ma le savili; ‘ua tele lava le timu. ‘Ua ti‘eti‘e Aapo i le nofoa fa‘ata‘avalevale ma alu i Isereelu.
Who We AreWhat We EelieveWhat We Do
2025 by iamachristian.org,Inc All rights reserved.
